नेपाली कांग्रेसको तर्फबाट प्रतिनिधि सभा सदस्यका उम्मेद्वार रामचन्द्र खड्काको चुनावी गीत सार्वजनिक गरिएको छ । नेपाली कांग्रेस रामेछाप–काठमाडौँ सम्पर्क समितिले प्रस्तुत गरेको जागौँ साथीभाई शीर्षकको चुनावी गीत सार्वजनिक गरिएको हो । गीतले जिल्लामा विकास र राजनीतिक स्थायित्वका लागि उम्मेद्वार खड्कालाई जिताउनुपर्ने सन्देश प्रवाह गरेको छ। गीतमा वरिष्ठ कलाकार केशव कडेल र गायिका प्रतिमा अर्यालको सशक्त स्वर समेटिएको छ। जागौँ साथी भाइ, भोट गरौँ सबैले कांग्रेस पार्टीलाई’ भन्ने आव्हानमार्फत मतदातालाई एकताबद्ध भई मतदानमा सक्रिय हुन प्रेरित गरिएको छ।गीतका शब्द संकलन कुमार कार्कीले गरेका हुन् भने संगीत संयोजन भोजराज कडेलले गरेका छन्। शब्द, संगीत र स्वरको संयोजनले कांग्रेसको ऐतिहासिक विरासत, बीपीको सपना र वर्तमान राजनीतिक प्रतिबद्धतालाई जोड्ने प्रयास गरिएको देखिन्छ। रुख चुनाव चिह्न, चारतारे झण्डा, विकास र जनताको पीर–बेथालाई बुझ्ने नेतृत्वजस्ता विषय गीतका प्रमुख भाव बनेका छन्। सार्वजनिक भएपछि गीतलाई सामाजिक सञ्जाल र राजनीतिक जमघटहरूमा व्यापक रूपमा बजाउन थालिएको छ, जसले चुनावी माहोललाई थप तातो बनाएको स्थानीयको भनाइ छ।