संघीय संसदका १२ वटा संसदीय समितिको सभापति चयनका लागि प्रक्रिया अघि बढेको छ । यसै क्रममा, महत्वपूर्ण मानिने अर्थ समितिको सभापतिमा रामेछापका सांसद डा. कृष्णहरि बुढाथोकी सिफारिस हुनुभएको छ ।
सत्तारुढ राष्ट्रिय स्वतन्त्र पार्टी (रास्वपा) बाट प्रतिनिधित्व गर्ने बुढाथोकीलाई पार्टीले अर्थ समितिको नेतृत्वका लागि अगाडि सारेको हो । जिल्लाका विकास र अर्थतन्त्रको क्षेत्रमा सक्रिय रहँदै आउनुभएका डा. बुढाथोकीले संसदको शक्तिशाली मानिने अर्थ समितिको सभापति भएर काम गर्ने जिम्मेवारी पाउनुभएको हो ।
संसदीय समितिहरूमा धमाधम मनोनयन भइरहेको सन्दर्भमा रास्वपाले ११ वटा समितिमा आफ्ना उम्मेदवारहरू उठाएको छ । जसमा अर्थ समितिमा डा. बुढाथोकी रहनुभएको छ ।
