मेरो प्रदेश डेक्स
माघ २६, मन्थली
निर्वाचन सुरक्षामा खटिने निर्वाचन प्रहरी अर्थात म्यादी प्रहरीहरु अहिले आन्तरिक तयारीमा व्यस्त छन् । जिल्ला प्रहरी कार्यालय रामेछापले लिएको परीक्षामा उत्तीर्ण एवं छनौट भएका १३ सय ३३ जना म्यादी प्रहरीहरु शरिरीक र मानसिक प्रशिक्षण तथा अभ्यासमा व्यस्त भएका हुन् । म्यादी प्रहरीहरुलाई जिल्ला प्रहरी कार्यालयले तालिम प्रदान गरिरहेको छ । तालिम पश्चात् उनीहरु निर्वाचनको सुरक्षामा परिचालन हुनेछन् ।
कार्यालयका प्रवक्ता, प्रहरी निरीक्षक राजनप्रसाद तिम्लसिनाले छनौट भएका निर्वाचन प्रहरीका लागि माघ १८ गतेदेखि तालिम सुरु गरिएको बताउनुभयो । १० दिने उक्त तालिम सकिएपछि निर्वाचन प्रहरीहरुलाई फिल्डमा खटाइने उहाँले जानकारी दिनु भयो । तालिममा निर्वाचनमा खटिँदा पालना गर्नुपर्ने नियम, काम, कर्तव्य सम्बन्धि सैद्धान्तिक र व्यवहारिक रुपमा जानकारी प्रदान भईरहेको छ । त्यसैगरी निर्वाचनमा सम्भावित घटना तथा चुनौतीको सामना र त्यसको व्यवस्थापन गर्न पूर्वतयारीका लागि अभ्यास समेत गराउने कार्य भईरहेको प्रहरी प्रवक्ता तिमलिसिनाले बताउनुभयो । निर्वाचन प्रहरीले फिल्डमा खटिएपछि त्रुटिरहित तवरबाट कार्यसम्पादन गर्नका लागि तालिम अपरिहार्य रहेको छ । निर्वाचनलाई भयरहीत, मर्यादित र शान्तिपूर्ण बनाउन निर्वाचन प्रहरीले अन्य सुरक्षाकर्मीसँगै तोकिएअनुरुपको भूमिका निर्वाह गर्ने छन् । उनीहरुको भूमिका मतदान केन्द्र, मतपत्र सुरक्षा, मतदाताको सुरुक्षा लगायत निर्वाचनको सुरक्षाका लागि हुने प्रहरी प्रवक्ता तिमलसिनाले जानकारी दिनु भयो ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
