तिहार नजिकिँदै गर्दा रामेछाप जिल्लामा पनि प्लास्टिकका फूल र मालाको प्रयोगमा रोक लगाइने भएको छ। वातावरण प्रदूषण नियन्त्रण र स्वदेशी फूलखेती प्रवर्द्धन गर्ने उद्देश्यले यस्तो निर्णय गरिएको हो।
प्रमुख जिल्ला अधिकारी श्यामकृष्ण थापाका अनुसार, “सरकारले नै प्लास्टिक फूलको उत्पादन, आयात र बिक्रीमा प्रतिबन्ध लगाएको हुँदा रामेछापमा पनि कडाइका साथ लागू गरिनेछ। स्थानीय तह र सुरक्षाकर्मीलाई निगरानी बढाउन निर्देशन दिइसकिएको छ,” उनले बताए।
उहाँका अनुसार, प्लास्टिक फूल बेच्ने, भण्डारण गर्ने वा प्रयोग गर्नेहरूलाई कानुनअनुसार जरिवाना समेत गरिनेछ। तिहारमा स्वदेशी सयपत्री र मखमली फूलको प्रयोग गर्न सबैलाई आग्रह गरिएको छ।
