रामेछापको मन्थली नगरपालिका–१ माछे डाँडीमा चल्ला बोकेको मिनिट्रक दुर्घटना हुँदा चालक घाइते भएका छन्। नेशनल ब्रीडिङ फार्म प्रालिबाट तराईतर्फ जाँदै गरेको बा २ क–६१६६ नम्बरको मिनिट्रक शनिबार राति करिब ११ बजे सडकबाट करिब ५ सय मिटर तल खसेको हो।
दुर्घटनामा चालक मुकेश कार्की घाइते भएका र उनलाई स्थानीयले उद्धार गरी रामेछाप सामुदायिक अस्पतालमा उपचारका लागि पठाएको जिल्ला प्रहरी कार्यालयका प्रवक्ता प्रहरी निरीक्षक राजन प्रसाद तिमल्सिनाले बताए।
ब्रोलर जातका करिब आठ हजार चल्ला बोकेको ट्रक अनियन्त्रित भई दुर्घटना भएको प्रारम्भिक अनुमान गरिएको छ। दुर्घटनामा करिब आधा चल्ला मरेको पनि प्रहरीले जनाएको छ।
