रामेछाप । कोरोना संक्रमण भइ आइसुलेसनमा बसेका रामेछापका सबै पत्रकारहरु कोरोनामुक्त भएका छन् । जिल्लामा पछिल्लो पटक १० जना पत्रकार कोरोना संक्रमण भइ आइसुलेसनमा बसेका थिए । समान्य ज्वरो आएपछी बैशाख १६ गते कोरोना परिक्षण गर्दा सामुदायिक रेडियो प्रसारक संघ बागमती प्रदेश सचिब तथा हजुरको रेडियोका अध्यक्ष दिपक घिमिरेको १७ गते कोरोना संक्रमण पुष्टि भएको थियो ।
कोरोना पुष्टि भए संगै घिमिरे होम आइसुलेसनमा १४ दिन बसेर कोरोनामुक्त भएका छन् । घिमिरेमा कोरोना संक्रमण भएको पुष्टि भएसंगै जिल्लाका अन्य ९ जना पत्रकारहरुले पनी आफुमा पनी संक्रमण भएको हुन सक्ने भन्दै बैशाख २१ गते कोरोना परिक्षण गराएका थिए ।
कोरोना परिक्षण गराएका ९ जना मध्ये ५ जना पत्रकारहरुमा २३ गते कोरोना संक्रमण भएको पुष्टि भएको थियो । कोरोना संक्रमित पत्रकार महासंघका केन्द्रिय परिषद सदस्य तथा कान्तीपुर टेलिभिजनका पत्रकार दीपक भट्ट, पत्रकार महासंघ रामेछापका कोषाध्यक्ष तथा रेडियो तामाकोशीका स्टेशन म्यानेजर युबराज श्रेष्ठलाई पनि कोरोना संक्रमण पुष्टि भएको थियो ।
त्यसैगरी पत्रकार महासंघका सदस्य तथा माउण्टेड टेलिभिजनका पत्रकार कुमार श्रेष्ठ, पत्रकार महासंघका सदस्य तथा रेडियो तामाकोशीका समाचार बाचक मिलन बिक र रेडियो तामाकोशीका कार्यक्रम संञ्चालीका सुलोचना थापा भने पत्रकार माहासंघ रामेछापले तयार गरेको आइसुलेसनमा बसेर कोरोनामुक्त भएर डिस्चार्ज भएका छन् ।
जिल्लामा थप पत्रकारहरुलाई कोरोना संक्रमण भएसंगै बैशाख २६ गते थप ९ जना पत्रकारहरुले कोरोना परिक्षण गराएका थिए । २६ गते परिक्षण गराएका ९ जना पत्रकारहरु मध्ये ४ जना पत्रकारहरुको २८ गते कोरोना संक्रमण पुष्टि भएको थियो । कोरोना पुष्टि हुनेहरुमा पत्रकार महासंघका अध्यक्ष बद्री नयाँघरे र रेडियो रामेछापका स्टेशन म्यानेजर सौजन्य सत्याल, पत्रकार महासंघ प्रदेश परिषद् सदस्य तथा एपी वान टेलिभिजनका जिल्ला प्रतिनिधि सन्तोष ढुंगेल र रेडियो तामाकोशीमा कार्यरत कार्यक्रम सञ्चालिका अनिता थापामगर रहेका थिए ।
कोरोना संक्रमण भएका पत्रकारहरु मध्ये केही पत्रकारहरु पत्रकार महासंघ रामेछापले निमार्ण गरेको आइसोलेसन कक्षमा बसेका थिए भने केही पत्रकार घरमा नै होमआइसोलेसनमा बसेर कोरोनामुक्त भएको नेपाल पत्रकार महासंघ रामेछापका अध्यक्ष बद्री नयाँघरेले जानकारी दिए ।
