प्रतिनिधिसभा निर्वाचनको तयारीस्वरूप नेपाली काँग्रेस रामेछापले सुरु गरेको एक महिने घरदैलो अभियान आइतबार मन्थलीको कठहजुरमा पुगेर सम्पन्न भएको छ। माघ १८ गते रामेछाप नगरपालिका–८ बाट सुरु भएको चुनावी अभियान जिल्लाका ६४ वटै वडामा सम्पन्न भएको हो ।
अभियान समापनका क्रममा उम्मेदवार रामचन्द्र खड्काले मतदाताको उत्साहले आफ्नो जित निश्चित भएको दाबी गर्दै गाउँका समस्या समाधान गर्ने र अधुरा योजना पूरा गर्ने प्रतिबद्धता जनाएका छन्। त्यस्तै, काँग्रेस जिल्ला सभापति पूर्णबहादुर तामाङले देश विकास काँग्रेसले मात्र गर्न सक्ने भन्दै एकढिक्का भएर खड्कालाई अत्यधिक बहुमतले विजयी गराउन आह्वान गरेका छन्।
