कपिलवस्तु । नेपाली कांग्रेस कपिलवस्तु क्षेत्र नं. ३ (क) क्षेत्रीय समितिले पूर्वराज्यमन्त्री तथा पूर्वसांसदलाई प्रवेश निषेधको चेतावनी दिएको छ। क्षेत्रीय समितिका सभापति गोविन्दबहादुर खत्रीद्वारा मंगलबार जारी विज्ञप्तिमा नेपाली कांग्रेसको १५औँ महाधिवेशनको सन्दर्भमा उक्त क्षेत्रबाट विशेष महाधिवेशनका लागि हस्ताक्षर संकलन गरी केन्द्रीय समितिमा पठाउने कार्यलाई आपत्ति जनाएको भन्दै त्यसको बिरोध गरेको छ ।
विज्ञप्तिमा भनिएको छ— “पूर्वराज्यमन्त्री, समानुपातिक सांसद तथा नेपाली कांग्रेसका केन्द्रीय सदस्यले यस क्षेत्रका प्रतिनिधिलाई हस्ताक्षर संकलन गरेको भन्दै दवाब सिर्जना गरेको भन्दै त्यस्तो कार्य नगर्न चेतावनी दिएको छ ।
खत्रीले भनेका छन्, “उक्त कार्यले पार्टीभित्र अस्वस्थ प्रतिस्पर्धा र अनुशासनहीनता फैलाउने भएकाले यस क्षेत्रीय समितिले सो कार्यको घोर विरोध गर्दछ।”
साथै, आगामी दिनमा यस्ता गतिविधि दोहोरिएमा कपिलवस्तु क्षेत्र नं. ३ (क) मा प्रवेश समेत निषेध गर्ने निर्णय गरिएको विज्ञप्तिमा उल्लेख छ। विज्ञप्तिमा सबै क्षेत्रीय कार्यकर्ता, प्रतिनिधि र पदाधिकारीलाई पार्टीको अनुशासन पालन गर्न आग्रह गरिएको छ।
