मन्थली । नेपाली सेनाले नव वर्ष २०८१ को अवसर पारेर जिल्ला सदरमुकाम मन्थलीमा दौड प्रतियोगिताको आयोजना गरेको छ । “मेरो स्वास्थ्य, मेरो जिम्मेवारी” भन्ने मूल नाराका साथ ९ नं बाहिनीको आयोजना तथा नयाँ गोरख गण रामेछापको समन्वयमा ३, ५ र ८ किलोमिटर दौड प्रतियोगिता सम्पन्न भएको हो ।
३ किलोमिटर दौड प्रतियोगितामा बिद्यालयमा १० कक्षा सम्म अध्ययन गर्ने छात्र छात्रा लाई सहभागि गराइएको थियो भने ५ किलोमिटरमा खुल्ला महिला र ८ किलोमिटर मा खुल्ला पुरुष दौड प्रतियोगिता गराइएको थियो । ८ किमि दौड तर्फ नयाँ गोरखगण का उमेश खत्री, सुनिल गुरुङले क्रमश प्रथम र द्धितिय स्थान हासिल गरे । भवानी बक्स गणका अरुण खड्का ले तृतिय स्थान गरे ।
त्यसैगरी ५ किलोमिटर खुल्ला महिला दौड तर्फ पुजा केसी , खुसी प्रधान र बिना श्रेष्ठ क्रमश प्रथम दितिय र तृतिय स्थान हासिल गरेका छन् । त्यसैगरी ३ किलोमिटिर दौडको छात्रा तर्फ गौरीशंकर मावि रामेछापकी कबिता कार्की भैरबि मा वि कि सुजिना भुजेल र मन्थली मावि कि देबि श्रेष्ठ क्रमशः प्रथम दितिय र तृतिय स्थान प्राप्त गर्न सफल भए ।
यसैगरी छात्र तर्फ मन्थली माविका सुजन तामाङ, र सोहि विबद्यालयका शुशिल कार्की प्रथम र तृतिय भए भने भैरबि माबिका रमेश बस्यालले द्धितिय स्थान हासिल गरे । बिजयी प्रतियोगिहरुलाई मन्थली नगर प्रमुख लव श्रेष्ठ, उप प्रमुख इश्वरी बस्नेत रामेछाप नगरपालिकाकी उप प्रमुख वाल कुमारी कार्की लगाएतले पुरस्कार बितरण गरेका छन् ।
९ नं बाहिनी सिन्धुलीका सहाएक रथि प्रकाश बहादुर चन्दको अध्यक्षतामा सम्पन्न उक्त कार्यक्रमममा सहभागि भएका विद्यालयहरु मध्ये भैरवी माविलाइ उत्कृष्ठ खेल प्रदर्शनी गर्ने बिद्यालयको रुपमा पुरस्कृत गरेको छ ।
