रामेछाप । गाउँमा खाने पनी छैन । खाने पानी एक गाग्री ल्याउदा चार देखी पाँच घण्टा बित्छ । हाम्रो समस्या जस्ताको त्यस्तै छ । खाँडादेवी गाउँपालिका वडा नम्बर ६ खत्री गाउँ निवासी होम बहादुर खत्रीले भने । खाँने पानी नहुदा गाउँ खाली भैसक्यो झैण्डै ८५÷९० घर थियौं केहि बर्ष अघि सम्म । अहिले हामी जम्मा ६५ घर धुरी छौं । हामीलाई खानेपानी चाहियो भनेका छौं । गाउँपालिका अध्यक्ष सुन्दैन । हामीले सुन्ने गरेका छौं स्मार्ट चौतारी बनाउन ब्यस्त हुनुहुन्छ रे अध्यक्ष उनले भने ।
त्यस्तै गरी मानकुमारी खत्रीले भनिन् । पानीको समस्याले यो ठाउँमा बस्न नसक्ने भो हाम्रो कुरा कसैले सुनेन् । खानेपनी छैन् । गाउँ छाडेर जाउँ भने कहाँ जाउ जाने ठाउँ छैन् । पाहिला त गोगनपानी, जिम्मल टोल सम्म गएर पहिला पहिला पानी ल्याउने गरेका थियौं । अहिले त्यो पनी पाइप लगाएर कहाँ पुग्यो थाहा छैन् उनले भनीन् । खाँडादेवी गाउँपालिकाका नागरीक भन्छन् । अध्यक्षले हाम्रो कुरा सुनेन स्थानियले भने । समान्य नागरिकको आधारभुत आवश्यक्तालाई ख्याल नगरी गाउँपालिका अघि बढेको स्थानियको आरोप छ ।
