आगामी चैत २७ र २८ गते रामेछापको खाँडादेवीमा आयोजना हुन लागेको ुखाँडादेवी सांस्कृतिक महोत्सव २०८२ु को तयारीलाई निकै तीव्रता दिइएको छ। रामेछाप सांस्कृतिक कलाकार समाज, खाँडादेवी गाउँपालिका कार्यसमितिले महोत्सवलाई भव्य र ऐतिहासिक बनाउन यतिबेला प्रचारप्रसारको कार्यलाई जिल्लाभर व्यापक पारेको छ। गाउँपालिकाको मुख्य प्रायोजनमा हुन लागेको यस महोत्सवका लागि प्रचारप्रसारदेखि कलाकार समन्वयसम्मका कामहरू अन्तिम चरणमा पुगेको रामेछाप सांस्कृतिक कलाकार समाज खाँडादेवीका अध्यक्ष टिकाराम श्रेष्ठले बताउनु भयो ।
महोत्सवलाई सफल बनाउन सामाजिक सञ्जाल, पोस्टर, ब्यानर र विभिन्न सञ्चार माध्यममार्फत आम नागरिकलाई निम्तो दिने काम भइरहेको आयोजकले जनाएको छ। लक्ष्मी मल्ल, सरोज लामिछाने र रोज मोक्तान जस्ता दर्जनौँ राष्ट्रिय तथा स्थानीय कलाकारहरूको बेजोड प्रस्तुति रहने यस कार्यक्रममा कला(संस्कृतिका साथै स्थानीय कृषि उत्पादनको प्रदर्शनीलाई समेत विशेष प्राथमिकताका साथ प्रचार गरिएको छ। चैत २७ गते स्थानीय र २८ गते राष्ट्रिय स्तरका कलाकारहरूको प्रस्तुति रहने यस दुई दिने महोत्सवले खाँडादेवीको पहिचानलाई थप उचाइमा पुऱ्याउने अपेक्षाका साथ प्रचारप्रसारलाई विशेष जोड दिइएको अध्यक्ष श्रेष्ठले जानकारी दिनु भयो ।
