रामेछाप । मंसिर ४ गते हुन लागेको संघिय र प्रादेशिक निर्वाचनलाई लक्षित गरी नेपाली कांग्रेसले भाद्र २२ गते देखी “जनताको साथमा कांग्रेस” राष्ट्रिय अभियान–२०७९ रामेछापमा शुरु गर्ने भएको छ । नेपाली कांग्रेसले सोमबार एक प्रेस बिज्ञप्ति जारी गर्दै भाद्र २२ गते देखी २४ गते सम्म जिल्लाको सबै स्थानिय तहमा “जनताको साथमा कांग्रेस”राष्ट्रिय अभियान सञ्चालन गर्ने जनाएको छ ।
अभियान सफल बनाउन पार्टीले रामेछापको आठ वटै स्थानिय तहमा प्रतिनिधि समेत तोकि सकेको छ । भाद्र २२ गते देखी शुरुहुने राष्ट्रिय अभियानमा सभापती पुर्णबहादुर तामाङ्ग कान्छाराम गोकुलगंगा गाउँपालिकामा, पुर्व पार्टी सभापती रामचन्द्र खड्काले खाँडादेवी गाउँपालिकामा, नि बर्तमान सभापती लबश्री न्यौपानेले सुनापती गाउँपालिकामा,उपसभापती लेखबहादुर कार्कीे दोरम्बा शैलुङ्ग गाउँपालिकामा, उपसभापती नवराज थोकरले लिखुतामाकोशी गाउँपालिकामा र सचिब दिपक खड्काले उमाकुण्ड गाउँपालिकामा प्रतिनिधित्व गर्ने गरी जिम्मेवारी दिएको छ ।
त्यसैगरी भाद्र २३ गते हुने अभियानको लागी सह–सचिब कमल योञ्जनलाई रामेछाप नगरपालिकामा प्रतिनिधित्व गर्ने गरी जिम्मेवारी तोकेको छ । प्रतिनिधीहरुले आठ वटै स्थानिय तहमा हुने “जनताको साथमा कांग्रेस” राष्ट्रिय अभियान–२०७९ सम्बोधन गर्ने कार्यक्रम रहेको छ । भाद्र २४ गते मन्थली नगरपालिकामा सबैको उपस्थितीमा कार्यक्रम सञ्चालन गर्ने निर्णय गरिएको पार्टी प्रवत्ता नारायण बहादुर वोगटीले हस्ताक्षर गरेको प्रेस बिज्ञप्तिमा उल्लेख छ ।
त्यसै गरी नेपाली कांग्रेस रामेछापका जिल्ला कार्यसमिति सदस्य गुञ्जबहादुर कार्कीको मस्तिकको पक्ष्घात भई अन्नपुर्ण न्युरो अस्पतालमा उपचारर्थ गराइ रहेको भन्दै शिघ्र पुर्ण स्वास्थ्य लाभको कामना गरेको छ ।
त्यस्तै बिज्ञप्ति जारी गर्दै नेपाली कांग्रेसका केन्द्रिय सदस्य स्व.प्रदिप गिरीको भाद्र ४ गते असामहिक निधन भएको भन्दै श्रद्धान्जली प्रस्ताव पारित गर्दै जिल्ला कार्यसमिति द्वारा भाद्र १६ गते श्रद्धान्जली सभा गर्ने कार्यक्रम समेत रहेको छ ।
साथै रामेछापका पुर्व जिल्ला कार्यसमिति सदस्य दधिराम दहाल, नेपाली कांग्रेसका नेता केशब बहादुर केसीका पिता खम्बबहादुर केसी र नेपाली कांग्रेस रामेछाप काठमाण्डौं सम्पर्क समितिका सभापती राजनारायण श्रेष्ठका आमा मायादेवी श्रेष्ठको असामहिक निधन भएकोमा दु:ख ब्यक्त गर्दै श्रद्धान्जली प्रस्ताब पारित गरिएको पनी बिज्ञप्तिमा उल्लेख गरिएको छ ।
