रामेछाप । जिल्ला सहकारी संघ रामेछापको बुधवार सदरमुकाम मन्थलीमा सम्पन्न चौथो बार्षिक साधारणसभाले हिमाल ढुंगेलको अध्क्षतामा ९ सदस्यीय कार्यसमिति निर्विरोध रुपमा निर्वाचित गरेको छ ।
नयाँ बनेको समितिमा उपाध्यक्षमा श्याम थापा, सचिवमा नविन घिमिरे र सचिबमा योगेन्द्र श्रेष्ठ रहेका छन् । त्यसैगरी सदस्यहरुमा क्रमशः दिलिप भण्डारी, चन्द्र मानन्धर, सावित्रा केसी, लक्ष्मी बुढाथोकी र मेनुका महत निर्वाचित भएका छन् । त्यस्तै संघको लेखा तथा सुपरीवेक्षण समितिको संयोजकमा छत्रबिर श्रेष्ठ तथा सदस्यमा घना श्रेष्ठ र रबिन्द्र श्रेष्ठ रहेका छन् ।
कार्यक्रम जिल्ला सहकारी संघका अध्यक्ष कोमल शंकर घिमिरेको अध्यक्षता तथा मन्थली नगरपालिकाका प्रमुख रमेशकुमार बस्नेतको प्रमुख आतिथ्यतामा उक्त साधारणसभा सम्पन्न भएको हो । कार्यक्रममा बोल्दै प्रमुअ अतिथि बस्नेतले बिगतमा झोलामा बोकेर सहकारी चलाएको जस्तो अब नहुने भन्दै मन्थली नगरपालिकाभित्र संचालित सबै सहकारीहरु संचालन हुन सहकारी ऐन अनुसारको निती र विधी पालना गरेर मात्रै संचालन गनुपर्ने र यसका लागि नगरपालिकाले सहकारीलाई गर्ने सहयोग सदैब रहने बताए ।
संघको चौथो साधारणसभाको अवसरमा सहभागी भएका जिल्ला बचत तथा ऋण सहकारी संघ, कृषि सहकारी संघ, जुनार सहकारी संघ र नेपाल पत्रकार महासंघका प्रमुख तथा प्रतिनिधिहरुले साधारणसभाको सफलताको शुभकामना व्यक्त गरेका थिए ।
