रामेछाप । जेसिज रामेछापले वर्ष २०२६ का लागि नयाँ नेतृत्व चयन गरेको छ ।सभाबाट कुमार श्रेष्ठलाई सर्वसम्मत रूपमा अध्यक्षमा चयन गरिएको छ । नेतृत्व चयनसँगै जेसिजले नयाँ ऊर्जा र योजनासहित आगामी वर्षका कार्यक्रम अघि बढाउने तयारी गरेको छ ।
नया कार्यकारिणीमा कार्यकारिणी उपाध्यक्षका रूपमा ईश्वर अधिकारी र बिपिन दाहालले जिम्मेवारी पाएका छन् । त्यस्तै कानुनी सल्लाहकारमा सुमन खड्का, महासचिवमा भरत श्रेष्ठ, कोषाध्यक्षमा अनिश केसी, सह–सचिवमा अमन बुढाथोकी र सह–कोषाध्यक्षमा राजन कुमार कार्की चयन भएका छन् ।
उपाध्यक्षतर्फ देव कैलाश श्रेष्ठ, सिताराम लोहार, बेनुप रोक्का र रमेश बस्नेतले निर्वाचित भएका छन् । साथै तालिम आयुक्तको जिम्मेवारी एकेन्द्र केसीलाई दिएको छ । नयाँ नेतृत्वले संगठनभित्रको समन्वय, पारदर्शिता र क्रियाशीलतालाई अझ मजबुत बनाउँदै जेसिजका कार्यक्रमलाई प्रभावकारी रूपमा सञ्चालन गर्ने प्रतिवद्धता व्यक्त गरेको छ ।
जेसिज रामेछापले विगतदेखि नै युवा सशक्तिकरण, नेतृत्व विकास, सीप अभिवृद्धि र सामाजिक उत्तरदायित्वका कार्यक्रम सञ्चालन गर्दै आइरहेको छ । नयाँ कार्यसमिति चयनसँगै आगामी वर्ष युवा विकास तथा सामुदायिक योगदानमूलक कार्यक्रमहरूलाई थप प्रभावकारी रूपमा अघि बढाइने अपेक्षा गरिएको छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
