रामेछाप । मन्थली नगरपालिका–१२ का मृत अवस्थामा भेटिएका राजकुमार बुढाथोकीको आफन्तले हत्यारालाई कार्बाहीको माग गर्दै आन्दोलन गरेका छन् । मन्थली नगरपालिका–१२ निवासी ३६ वर्षिय राजकुमार बुढाथोकी असार १ गते बेपत्ता भएका थिए । खोजी गर्ने क्रममा भोलीपल्ट २ गते सोही वडाको चनौटे भिरको फेदिमा मृत अवस्थामा बुढाथोकीको शब फेला परेको थियो । उनको झण्डै ३ सय मिटर अग्लो भिर बाट लडेको जस्तो देखिने अवस्थामा शब फेला परेको थियो । मृतक बुढाथोकीको आर्थीक अवस्था एकदम कम्जोर रहेको र बोल्न सक्ने परिवारमा कोही सदस्य नभएको अवस्थामा जनप्रतिनिधीको दबाबमा लडीमेरको भन्दै हत्यारालाई प्रहरीले उन्मुक्ति दिन लागेको उनका आफन्तको आरोप रहेको छ ।
जनप्रतिनिधीको दवाबमा हत्यारालाई प्रहरीले उन्मुक्ति दिन लागेको भन्दै घट्नाको सत्य तथ्य छनबीन गर, हत्यारालाई खोजी गरि कार्बाही गर, राजनीती हामीलाई चाहीदैन, राजकुमारको परिवारलाई न्याय दे जस्ता नारा सहित मृतकका आफन्तले बिरोध गरेका छन्।
मृतकका आफन्तले नारा जुलुस सहित मन्थली बजार परिक्रमा गरी जिल्ला प्रसाशन कार्यालय, जिल्ला प्रहरीकार्यालय र सरकारी वकिलको कार्यलयमा ज्ञापन–पत्र समेत बुझाएका छन् । साथै मृतकका आफन्तले एक घण्टा सडक समेत बन्द गरेको छ । तिन सय मिटर भन्दा अग्लो भिरबाट लडेर मृत्यु भएको ब्यक्तिको टाउकोमा लागेको चोट भन्दा अन्य ठाउमा कुनै पनी चोट पटक नभएको उनका आफन्त हर्क बहादुर बुढाथोकीले बताए ।
उनले भने मेरो नातीलाई घरमा मारेर धुइ पखाली नुहाइ धुवाई गरी लुगा फेरेर सफा पारेर भिरको फेदीमा लगेर लडेर मेरेको भनेको बताए । भिर बाट लडेर मृत्यु भएको भए शरिरमा अन्य चोट पटक देखीनु पर्नेहो तर शरिरमा कहि कतै चोट पटक छैन घटना स्थलमा रगत छैन, कतै लडेको जस्तो झार बुट्टा मारिएको छैन कसरी लडी मृत्यु हुन्छ ! लडी मृत्य भएको हैन मारेर त्याँहा लगेर राखेको हो उनले भने ।
उनका बहिनी सन्तोषी बुढाथोकीले भने आफ्नो दाजु लडेर नभै मारेर भिरको फेदिमा लगेर राखेको भन्दै हत्यारालाई उन्मुक्ति दीए आफुहरु अन्यायमा पर्ने भन्दै हत्यारालाई कार्बाहीको माग गरेका छन् । प्रहरीले मृतकका आफन्तले दिएको किटानी जाहेरीको आधारमा तिन जनालाई नियन्त्रणमा लिएको छ ।
