रामेछाप ३ चैत्र । सोमबार राति आएको हावाहुरीका कारण रामेछाप जिल्लाका विभिन्न स्थानमा क्षति पुगेको छ। जिल्लाको रामपुर, सुकाजोर, दुरागाउँ र दोरम्बा लगायतका क्षेत्रमा हावाहुरीले घर तथा विद्यालयका छाना उडाउनुका साथै भौतिक संरचनामा क्षति पुर्याएको स्थानीयले बताएका छन्।
हावाहुरीसँगै आएको प्रतिकूल मौसमका कारण धेरै घरपरिवार प्रभावित भएका छन् भने केही विद्यालयका भवनसमेत क्षतिग्रस्त भएका छन्। हावाहुरीका कारण कृषि बालिमा समेत क्षति पुगेके छ ।
सोमबार साँझदेखि जिल्लाभर विद्युत सेवा अवरुद्ध भएको छ। हावाहुरीका कारण विद्युतका पोल तथा तारमा क्षति पुग्दा विद्युत आपूर्ति बन्द भएको नेपाल विद्युत प्राधिकरण मन्थली शाखाले जनाएको छ। विद्युत सेवा पुनः सञ्चालनका लागि प्राविधिक टोली खटाइएको र क्षतिको विवरण संकलन भइरहेको जनाइएको छ। सुरक्षाकर्मीहरू प्रभावित क्षेत्रमा खटिएर क्षतिको विवरण संकलन तथा कार्यमा जुटिरहेका जिल्ला प्रहरी कार्यालय रामेछापले जनाएके छ । हावाहुरीका कारण भएको क्षतिको यकिन विवरण भने आउन बाँकी रहेको प्रहरीले जानकारी दिएके छ।
