रामेछाप । गौरीशङ्कर माध्यमिक विद्यालयले ६१ औँ वार्षिकोत्सव तथा अभिभावक भेला आयोजना गरेको छ । वार्षिकोत्सवको अवसरमा विद्यालयले आयोजना गरेको अभिभावक भेलामा शिक्षक तथा विद्यार्थीले विभिन्न प्रतिभा प्रस्तुत गरेका छन् ।
वार्षिकोत्सव कार्यक्रमलाई सम्बोधन गर्दै रामेछाप नगरपालिका प्रमुख लबश्री न्यौपानेले विद्यालयको विकासका लागी आफूले गर्ने सम्पूर्ण सहयोग गर्ने बताउनु भएको छ । न्यौपानेले आफूले अध्ययन गरेको विद्यालयको विकासका लागी गर्न सक्ने सम्पूर्ण सहयोग गर्ने प्रतिबद्धता समेत गर्नु भएको छ । विद्यालय व्यवस्थापन समितिका अध्यक्ष कमल विक्रम कार्कीको अध्यक्षतामा भएको कार्यक्रममा नगरप्रमुख न्यौपाने, उपप्रमुख बालाकुमारी कार्की, नगर प्रवक्ता समीर कार्की लगायत विभिन्न राजनीतिक दलका प्रमुख तथा प्रतिनिधिहरूको सहभागिता रहेको थियो ।
