रामेछाप – नेकपा एमालेको ११ औँ राष्ट्रिय महाधिवेशनमा रामेछाप जिल्लाबाट पाँच नेताहरूले केन्द्रीय सदस्य पदका लागि उम्मेदवारी दर्ता गराएका छन् । जिल्लाबाट माधव प्रसाद ढुङ्गेल, शान्ति प्रसाद पौडेल, गीता कार्की, गंगादेवी कार्की र सीता कुमारी खत्री उम्मेदवार बनेका हुन् । यसमध्ये माधव प्रसाद ढुङ्गेल र गीता कार्की पूर्व केन्द्रीय सदस्यका रूपमा अनुभवी नेताहरू हुन्। शान्ति प्रसाद पौडेल र गंगादेवी कार्की बागमती प्रदेश कमिटी सदस्यका रूपमा सक्रिय रहेका छन् भने सीता खत्री पार्टी संगठन निर्माणमा क्रियाशील रहिएकी छन् ।
उम्मेदवारमध्ये माधव प्रसाद ढुङ्गेल र शान्ति प्रसाद पौडेल खुला समूहबाट चुनाव लड्दैछन्। गीता कार्की र गंगादेवी कार्की महिला खुला समूहबाट उम्मेदवारी दिएकी छन् भने सीता खत्री बागमती प्रदेश महिला क्लस्टरबाट केन्द्रीय सदस्यमा उम्मेदवार छिन् ।
यसअघि केन्द्रीय सदस्यमा उम्मेदवारी दिने घोषणा गरेका बागमती प्रदेश सभा सदस्य आनन्द कुमार श्रेष्ठले उम्मेदवारी दर्ता नगरेपछि विभिन्न अड्कल र चर्चा सुरु भएको छ। त्यस्तै, पूर्व पोलिटब्युरो सदस्य र रामेछाप जिल्ला इन्चार्ज कमलप्रसाद चौलागाईँले अनुशासन आयोग सदस्यमा उम्मेदवारी दिएका छन्। बागमती प्रदेश कमिटी अध्यक्ष कैलाश प्रसाद ढुङ्गेलले भने उम्मेदवारी दिएका छैनन् ।
नयाँ नेतृत्व चयनका लागि मतदान भृकुटीमण्डप, काठमाडौंमा दिउँसो १ बजेबाट सुरु हुनेछ र बेलुका ७ बजे सम्म चल्नेछ। एक सय मतदान मेसिनमध्ये ८० मेसिन मतदानका लागि प्रयोग हुनेछन् भने १० अभ्यासका लागि र १० अतिरिक्त मेसिनको रूपमा राखिएको छ । अनुमान अनुसार एक जनाले मत खसाल्न झण्डै २५–३० मिनेट समय लाग्नेछ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
