रामेछाप— नेकपा (एमाले)को ११ औँ राष्ट्रिय महाधिवेशनका लागि रामेछापबाट १२ जना प्रतिनिधि सर्वसम्मत रूपमा चयन भएका छन् । यसअघि कुल ६७ जना नेताहरुले उम्मेदवारी दर्ता गरे पनि अन्ततः सहमतिमै प्रतिनिधि छनोट टुंगो लागेको एमाले रामेछापले जनाएको छ ।
खुला समूहमा दर्ता भएका ३४ उम्मेदवारमध्ये टंक चौलागाई, ज्ञानकुमार योञ्जन, इन्द्रबहादुर तामाङ, शान्ति प्रसाद पौडेल, पुरुषोत्तम कडरिया र आनन्द कुमार श्रेष्ठ प्रतिनिधि छनोट छन् । महिला समूहमा गंगा कार्की, शान्ता न्यौपाने, मखमली श्रेष्ठ र सीता केसी चयन भएका छन् । युवा समूहमा बलबहादुर माझी तथा उत्पीडित दलिततर्फ सिताराम लोहार प्रतिनिधि छानिएका छन् ।
जिल्ला इन्चार्ज कमल चौलागाईको नेतृत्वमा गठन गरिएको चार सदस्यीय सहमति समितिको आज बिहान बसेको बैठकले प्रतिनिधि छनोट प्रक्रिया निष्कर्षमा पु¥याएको हो । यद्यपि प्रतिनिधि सूचीको औपचारिक घोषणा पार्टीले केहीबेरमा सार्वजनिक गर्ने जनाइएको छ । स्रोतका अनुसार चयन भएका १२ मध्ये १० जना अध्यक्ष केपी शर्मा ओली पक्षका तथा २ जना इश्वर पोखरेल पक्षका रहेका छन् ।