रामेछाप । उमाकुण्ड गाउँपालिका –७ भुजीमा चट्याङ लागेर एक बालिका घाइते भएकी छिन् । घरमा बसीरहेको अवस्थामा शुक्रबार साँझ करिब साँढे छ बजेको समयमा परेको चट्याङ लागेर अम्बर बहादुर खड्काको ४ वर्षीया छोरी स्वस्तिका खड्का घाइते भएकी हुन् । घाइते बालीकाको अहिले स्वास्थ्य चौकी भुजीमा सामान्य उपचार पछि सदरमुकाम मन्थलीमा रहेको तामाकोशी अस्पतालमा उपचार भइरहेको छ । वालीकाको बाँया आँखा र निधारमा सामान्य चोट लागेको जिल्ला प्रहरी कार्यालय रामेछापका प्रहरी निरिक्षक तथा सूचना अधिकारी श्रीशंकर श्रेष्ठले जानकारी दिए । सूचना अधिकारी श्रेष्ठका अनुसार चट्याङको कारण भुकम्पपछि बनेको भुकम्प प्रतिरोधी घरमा समेत क्षति पुगेको छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
