काठमाडौँ । बझाङमा मङ्गलवार दिउँसो गएको भूकम्पमा परी आठ जना घाइते भएका छन् । बझाङको मस्टा गाउँपालिका–१, केदारस्युँ गाउँपालिका र जय पृथ्वी नगरपालिकामा गरी आठ जना घाइते भएको बझाङका प्रमुख जिल्ला अधिकारी नारायण पाण्डेयले जानकारी दिए । घाइतेहरूको स्थानीय अस्पतालहरूमा उपचार भइरहेको प्रमुख जिल्ला अधिकारी पाण्डेयले जानकारी दिएका छन् ।
साथै हालसम्म ९ वटा घर समेत भत्केको खबर प्राप्त भएको जनाएको छ । क्षतिको विवरण सङ्कलन गर्ने कार्य भने जारी रहेको कारण अझै थपिन सक्ने बताए । मङ्गलवार बझाङमा २६ मिनेटको अन्तरमा दुई ठुला भूकम्प गएका थिए । भूकम्पपछि जय पृथ्वी नगरपालिका–७, कचलीखोला भन्ने स्थानमा पहिरो खसेर बाटो अवरुद्ध भएको छ ।
