काठमाडौं,भारतले तत्कालको लागी नेपाललाई अतिआवश्यक क्षेत्रका लागिमात्र कोभिड खोप उपलब्ध गराउन तयार रहेको परराष्ट्रमन्त्री प्रदीप ज्ञवालीले जानकारी दिएकोे छ । तीनदिने भारत भ्रमण सम्पन्न गरेर शनिबार अपरान्ह नेपाल आएका मन्त्री ज्ञवालीले त्रिभूवन बिमानस्थलमा पत्रकार सम्मेलन गर्दै अतिआवश्यक क्षेत्रका लागि भारत तत्काल कोभिड खोप उपलब्ध गराउन तयार रहेको जानकारी दिए ।
परराष्ट्रमन्त्री प्रदीप ज्ञवालीले आफ्नो भारत भ्रमण दुई देशबीचको सम्बन्धलाई मजवुद बनाउनमा केन्द्रित रहेको बताएका छन् । परराष्ट्रमन्त्री ज्ञवालीले पत्रकार सम्मेलन मार्फत आर्थिक, राजनीतिक सांस्कृतिक लगायतका पक्षमा छलफल भएको बताएका छन् ।
ज्ञवालीले दुई देशबीचको सम्बन्धलाई मजवुद बनाउन तथा बिकास यात्रालाई सफल बनाउने बिषयमा भ्रमण केन्द्रित रहेको प्रष्ट पारेका छन् । मन्त्री ज्ञवालीले कोरोनाका कारण बन्द हवाइ तथा स्थलमार्ग क्रमशः खोल्दै जाने सहमति भएको बताएका छन् ।
भैरहवामा एकीकृत चेकपोस्टको काम सुरु गर्ने र महाकालीमा निर्माणाधीन चार लेनको पुललाई भारतको राष्ट्रिय राजमार्गसँग जोड्ने, महाकाली नदीमा थप महाकालीमा तीनवटा पुल बनाउने सहमति भएको मन्त्री ज्ञवालीले जानकारी दिए ।
संयुक्त आयोगको बैठकमा ट्रान्मीसन लाईन, कृषि क्षेत्रमा थप सहकार्य गर्ने, पञ्चेश्वर परियोजनाको डीपीआर गर्ने लगाएतका बिषयमा सहमति भएको बताएका छन् । रक्सोल–काठमाडौँ रेलमार्ग निर्माण सम्बन्धी फिल्ड लोकेसन सर्भे अगाडि बढाउने पनि सहमति भएको जानकारी पनि गराएका छन् । नेपाल भारत संयुक्त आयोगको छैटौ बैठकमा भाग लिन नेपाली प्रतिनिधि मण्डलको नेतृत्व गर्दै मन्त्री ज्ञवाली बिहीबार भारत गएका थिए ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
