मन्थली – रामेछापको सदरमुकाम मन्थलीमा रहेको तिलगंगा सामुदायिक आँखा केन्द्रको अप्रेसन थिएटर सहितको नयाँ भवन निर्माण सम्पन्न भएको छ ।‌ १० बर्षदेखि अस्थायी भवनबाट सेवा दिँदै आइरहेको केन्द्रको करिब डेढ करोड रुपैयाँमा साँढे दुई तल्ले भवन निर्माण सम्पन्न भएको हो । भिजन हिमालय फाउन्डेसन, स्विट्जरल्याण्डको आर्थिक सहयोगमा भवन निर्माण भएको जानकारी दिदैँ आँखा केन्द्रका अध्यक्ष डा.सुमन कर्माचार्यले भवन बनेकोले थप सेवा सुविधा विस्तार गर्न सहज हुने बताए ।‌ उनका अनुसार भवन केही काम बाँकी रहेकोले दुइ महिना भित्र सकिने छ । सो भवनको बिहिबार उद्घाटन गरिएको छ । मन्थली नगरपालिकाका प्रमुख लव श्रेष्ठ र भिजन हिमालय फाउन्डेसनका उपाध्यक्ष डा. रोमन ग्रेम्जरले भवन उद्घाटन गरेका हुन् ।‌ तिलगंगा आँखा प्रतिष्ठान काठमाडौं र तामाकोशी सेवा समितिको सहकार्यमा २५ बर्ष देखि सेवा दिदैँ आएको सो केन्द्रले नयाँ भवन पाएसँगै सेवा प्रवाह सहज हुने भएको छ । केन्द्रले भुकम्पछि अस्थायी भवनबाट सेवा दिदैँ आएको थियो।