रामेछाप । रिलायबल नेपाल लाइफ इन्स्योरेन्स लिमिटेडबाट जीवन बिमाको मृत्यु दाबी भुक्तानी रकम लिएर कम्पनीका कर्मचारी घरमै पुगेर मृतका परिवारलाई उपलव्ध गराएपछि मृतकका परिवार दङ्ग परेका छन् ।
लिखु तामाकोशी गाउँपालिका वडा नं ६ खिम्तीका धर्मेन्द्र श्रेष्ठको मृत्युपछि उनले गरेको बिमा अनुसारको रकम मृतककी श्रीमतीलाई उपलव्ध गराउन रिलायबल नेपाल लाइफ इन्स्योरेन्सका कर्मचारीहरु शनिवार मृतकको घरमै पुगेका थिए । मृतक धर्मेन्द्रले २०७८ बैशाख २२ गते ५ लाख रुपैयाँको सुलभ जिबन बिमा गराएका थिए ।
रिलायबल नेपाल लाइफ इन्स्योरेन्समा जिबन बिमा गराएका श्रेष्ठको २०७८ असार २२ गते निधन भएको थियो । उनले जिबन बिमा गर्दा पहिलो पटक कम्पनीको नियमअनुसार पहिलो किस्ताबापतको २८ हजार ३ सय ७० रुपैयाँ रकम मात्रै जम्मा गरेका थिए । श्रेष्ठको मृत्यु भएको खबर सुनेपछि कम्पनीका कर्मचारीहरुले कम्पनीको नियमअनुसार विमितको विमाङ्क रकम ५ लाख र बोनस १६ हजार गरि ५ लाख १६ हजार रुपैयाँ रकम बराबरको चेक मृतककी श्रीमती सिता श्रेष्ठलाई उपलव्ध गराएको हो ।
घरमा कमाई गरेर ल्याउने घरमुलीको मृत्युपछि घरपरिवार कसरी चलाउने भन्ने चिन्ताले सताइरहेको बेला अकस्मात रिलायबल नेपाल लाइफ इन्स्योरेन्सका कर्मचारीहरु घरमा आएर श्रीमानले गरेको जिबन विमा अनुसारको रकम उपलव्ध गराउँदा ज्यादै खुशि लागेको मृतककी श्रीमती सिताले जानकारी दिइन ।
उनले भनिन्– शुरुमा त आफुलाई श्रीमानले जिबन बिमा गर्नु भएको छ भन्ने थाहा नै थिएन । श्रीमानकाे देहबसान पछि रिलायबल नेपाल लाइफ इन्स्योरेन्सका कर्मचारीहरुले श्रीमानकाे बिषयमा सोधखोज गर्दा पो श्रीमानले जिबन बिमा गर्नुभएको रहेछ भन्ने जानकारी पाए । अहिले श्रीमानले गर्नु भएको जिबन बिमा बापतको रकम लिएर कर्मचारीहरु घरमै आएर दिदा आफुलाई ज्यादै खुशि लागेको छ । थोरै भएपनि घरपरिवार चलाउन श्रीमानले गरिदिएको जिबन बिमा रकमले सहज हुने भयो ।
कन्पनीमा जिबन बिमा गरेका मृतकका परिवारका सदस्यलाई मृत्यु दाबी रकम उपलव्ध गराउन जिल्ला सदरमुकाम मन्थलीसम्म बोलाउँदा उनीहरुले धेरै झन्झट खेप्नुपर्ने भएकाले उनीहरुलाई सहज होस् भन्ने हेतुले मृतकको घरमै पुगेर जिबन बिमा गराएर बापतको मृत्यु दाबी भुक्तानी रकम उपलव्ध गराएको रिलायबल नेपाल लाइफ इन्स्योरेन्स लिमिटेड मन्थली शाखाका प्रबन्धक सन्तोष श्रेष्ठले जानकारी दिए ।
उनले भने– हामीले मृतकका परिवारलाई कार्यालयमा नै बोलाएर रकम दिन सक्थ्यौ । परिवारले घरमा मृतक गुमाउनु पर्दाको पिडा बिर्सन नसक्दै, सोख बारेर बसेको बेलामा परिवारका सदस्यहरुलाई किन दुःख दिने भन्ने उद्धेश्यले हामीले यो अभियान संञ्चालन गरेको बताए ।
रिलायबल नेपाल लाइफ इन्स्योरेन्स लिमिटेडले जिबन बिमा सेवा बिमितको घरदैलोमा नै पुर्याउने उद्धेश्यले देशभर ८२ वटा भन्दा बढी शाखा तथा उपशाखा विस्तार गरेको छ । कम्पनीले हालसम्म १२ वटा बिमा योजना सञ्चालनमा ल्याएको छ । कम्पनीको २ अर्ब २० करोड अधिकृत पूँजी रहेको छ ।
