हेटौंडा । गणतन्त्र दिवस २०८३ को अवसरमा बागमती प्रदेश सरकारले पत्रकारिता क्षेत्रमा उल्लेखनीय योगदान पुर्याएका मेरो प्रदेश अनलाइनका प्रधान सम्पादक युवराज श्रेष्ठ सहित चार जना पत्रकारलाई सम्मानित गरेको छ।
शुक्रबार हेटौंडामा आयोजित विशेष समारोहमा पत्रकार श्रेष्ठलाई सुशासन पत्रकारिता पुरस्कार–२०८३ प्रदान गरिएको हो। निष्पक्ष, तथ्यपरक र जनचासोका विषयलाई प्राथमिकताका साथ उजागर गर्दै सुशासन प्रवर्द्धनमा पुर्याएको योगदानको कदरस्वरूप उहाँलाई उक्त पुरस्कार प्रदान गरिएको जनाइएको छ। श्रेष्ठ फेनिज बागमति प्रदेशका अध्यक्ष तथा नेपाल पत्रकार महासंघ रामेछापका केषाध्यक्ष समेत हुनुहुन्छ ।
त्यसैगरी पोष्टराज अधिकारीलाई खोज पत्रकारिता पुरस्कार, सुनिता बिष्ट लाई विकास पत्रकारिता पुरस्कार तथा रामहरी कार्की लाई प्रदेश संस्थागत विकास पत्रकारिता पुरस्कार प्रदान गरिएको छ।
पुरस्कृत पत्रकारहरूलाई बागमती प्रदेश प्रमुख दिपक प्रसाद देवकोटाले दोसल्ला, प्रशंसापत्र तथा नगद ५० हजार राशिसहित सम्मान गर्नुभएको थियो।
सम्मानपछि पत्रकार श्रेष्ठले उक्त पुरस्कारलाई पत्रकारिताप्रतिको जिम्मेवारी अझ बढाउने प्रेरणाको रूपमा लिएको बताउनुभयो। उहाँले सत्य, तथ्य र जनसरोकारका विषयलाई निरन्तर उजागर गर्दै उत्तरदायी पत्रकारितामा समर्पित रहने प्रतिबद्धता व्यक्त गर्नुभयो।
बागमती प्रदेश सरकारले हरेक वर्ष गणतन्त्र दिवसको अवसरमा पत्रकारिता क्षेत्रका उत्कृष्ट पत्रकारहरूलाई सम्मान गर्दै आएको छ। कार्यक्रम बागमति प्रदेशका मुख्यमन्त्री इन्द्र बाँनियाके अध्यक्षतामा सम्पन्न भएके हे ।
Top of Form
Bottom of Form
