रामेछापको सदरमुकाम मन्थलीस्थित तामाकोसी नदीमा आजदेखि साहसिक खेल र्याफ्टिङ सेवाको परीक्षण सुरु गरिएको छ। तामाकोसी नदीलाई ुरिभर एडभेन्चर हबु का रूपमा विकास गर्ने दीर्घकालीन लक्ष्यका साथ तामाकोसी मरिन् एडभेन्चर प्रालिले यो नयाँ सेवा थप गरेको हो।
यसअघि मन्थली क्षेत्रमा जेटबोट सञ्चालन गरेर आन्तरिक पर्यटनमा नयाँ तरंग ल्याएको यस प्रालिले अब जलयात्राका सौखिनहरूका लागि र्याफ्टिङको विकल्प पनि ल्याएको छ। प्रालिका सञ्चालक सागरहरी अधिकारीका अनुसार आज बिहीबारदेखि परीक्षण सुरु गरिएको र आगामी वैशाख १ गते अर्थात् नयाँ वर्षको अवसर पारेर यो सेवालाई पूर्ण रूपमा व्यावसायिक रूपमा सञ्चालनमा ल्याइनेछ।
ुरिभर लाइफ, आवर जर्नीु भन्ने नाराका साथ सुरु गरिएको यस अभियानले रामेछापको पर्यटन र स्थानीय अर्थतन्त्रमा थप इँटा थप्ने विश्वास गरिएको छ। नयाँ वर्षमा मन्थली र आसपासका क्षेत्रमा आउने पर्यटकहरूले अब जेटबोटको गतिसँगै र्याफ्टिङको साहसिक अनुभव समेत लिन पाउनेछन्।
