काठमाडौं – नेपाली काँग्रेसका नेता स्व. रामहरि ढुंगेलको नवौं स्मृति दिवस मंगलबार काठमाडौंमा एक कार्यक्रमका बीच सम्पन्न भएको छ।
रामहरि ढुंगेल स्मृति प्रतिष्ठानका अध्यक्ष अश्विन ढुंगेलको अध्यक्षतामा आयोजित कार्यक्रममा नेपाली काँग्रेसका केन्द्रिय सदस्य बिनिता खड्रका, नेपाली काँग्रेस रामेछापका पूर्व सभापति तथा हालै सम्पन्न प्रतिनिधि सभा निर्वाचनमा रामेछापका उम्मेदवार रामचन्द्र खड्का, महाधिवेशन प्रतिनिधि भरत प्रसाद चौलागाईं, रत्नहरी ढुंगेल, रामकुमारी डाँगी तथा रामेछाप जिल्लास्तरीय नेता झनक श्रेष्ठ, दिपेन्द्र खड्का, रामकृष्ण ढुंगेल, काजी बहादुर खड्का ‘दिनेश’ लगायतको उपस्थिति रहेको थियो।
कार्यक्रममा बोल्दै काँग्रेस केन्द्रिय सदस्य बिनिता खड्काले रामहरि ढुंगेलको योगदानको स्मरण गर्दै उहाँलाई निष्ठावान, इमानदार र सिद्धान्तमा अडिग राजनीतिक व्यक्तित्वका रूपमा प्रशंसा गर्नुभयो। यसैगरी नेपाली काँग्रेस रामेछापका पूर्व सभापति रामचन्द्र खड्रकाले स्व. ढुंगेलबाट सवैले निष्ठाके राजनिति सिक्नु पर्ने बताउनु भये ।
२०५७ मा गिरिजाप्रसाद कोइराला नेतृत्वको मन्त्रिपरिषद्मा कृषि सहायक मन्त्रीको जिम्मेवारी सम्हाल्नुभएका ढुंगेल नेपाली काँग्रेस रामेछापका पूर्व जिल्ला सभापति समेत हुनुहुन्थ्यो। उहाँ विद्यार्थी जीवनदेखि नै विचार, सिद्धान्त र आदर्शमा अडिग रहँदै निष्ठापूर्वक राजनीति गर्दै आउनुभएको थियो।
कार्यक्रममा सहभागीहरूले उहाँको तस्वीरमा माल्यार्पण गर्दै श्रद्धाञ्जली अर्पण गरेका थिए। वक्ताहरूले ढुंगेलजस्ता निष्ठावान र आदर्शवादी नेताको योगदानलाई भावी पुस्ताले स्मरण गर्नुपर्ने धारणा व्यक्त गरेका थिए।
