रामेछाप। नेपाल टेलिकमको टावर निर्माणको काम अधुरै छोडेर ठेकेदार सुवास पौडेल सम्पर्कविहीन भएपछि रामेछापका करिब १ दर्जन मजदुर अलपत्र परेको खुलेको छ। जिम्मेवारी दिने बेलामा सक्रिय भएका निर्माण व्यवसायि पौडेल काम अधुरो रहँदा सम्पर्कविहीन भएका छन् । यस्तो गैरजिम्मेवार प्रवृत्तिले निर्माण क्षेत्रभित्र श्रमिकको श्रम र मेहनतलाई गम्भीर जोखिममा पारेको छ।
रामेछाप नगरपालिका–९ का संगम श्रेष्ठले बताए अनुसार, ‘नेक्ट लाइन इन्फाकम प्रा।लि।’ मार्फत पौडेलले टावर निर्माणका लागि खाल्टा खन्ने र सोलिङ गर्ने जिम्मेवारी रामेछाप नगरपालिका ९ का श्रेष्ठलाई दिएका थिए। श्रेष्ठ लगाएत अन्य काम दार मिलेर समयमा काम सम्पन्न पनि गरे र आवश्यक सामग्री खरिद गरि समयमै काम सम्पन्न गरे पनि ठेकेदार बीचमै फरार भए। फोन गर्दा पनि नम्बर ९८५१३६७००५ मा सम्पर्क छैन, र पटक–पटक प्रयास गर्दा समेत कुनै जवाफ आएको छैन।
श्रेष्ठले भने, “काम सम्पन्न भइसकेको छैन, तर आवश्यक सामग्री पनि हामीले झारी सकेका छौं। भुक्तानी नदिँदा काम रोकिएको छ र मजदुर अलपत्र छन्। हामी लगातार सम्पर्कको प्रयास गरिरहँदा समेत व्यवसायीले कुनै जवाफ दिएनन्।”
श्रेष्ठले भने लगैतै हामीले सो नम्बरमा फोन बारम्बार सम्पर्क गर्दा समेत सम्र्पक हुन सकेन् ।
मजदुरको जीवन संकटमा परेको छ। घरखर्च, ऋण र दैनिक गुजारा चलाउन नसक्दा उनीहरू मानसिक र आर्थिक रूपमा दबाबमा छन्। तर काम लगाउने ठेकेदारलाई मजदुरको भोगाइ वा मेहनतको मूल्यको कुनै परवाह छैन।
उनिहरुका अनुसार, यस्तो प्रवृत्ति रोक्न प्रशासनिक र कानुनी कदम आवश्यक देखिन्छ। अब हामी कानुनी ढोका ढक्ढकाउन लागी पछौं । धेरै सम्पर्क गर्न खोज्यो तर सम्पर्कमा आउनु भएन ।
सार्वजनिक दबाबबिना ठेकेदारले आफ्नो जिम्मेवारी पूरा गर्ने सम्भावना कम छ। सुवास पौडेल जस्ता व्यवसायीको व्यवहारले मात्र काम रोकिने होइन, श्रमिकको जीवन नै असुरक्षित हुने अवस्था सिर्जना गरेको छ।
