रामेछाप । अरनिको राजमार्गअन्तर्गत काभ्रेको पाँचखाल नगरपालिका–६ केराघारीमा आज बिहान ट्रकको ठक्करबाट एक मोटरसाइकल चालकको ज्यान गएको छ । सिराहाबाट पाँचखालतर्फ आउँदै गरेको ना ७ ख ७२१४ नम्बरको ट्रकले ओभरटेक गर्ने क्रममा काठमाडौँबाट कोशीपारि जाँदै गरेको दा ९३ प ११७० नम्बरको मोटरसाइकललाई ठक्कर दिएको प्रहरीले जनाएको छ ।
दुर्घटनामा परि काभ्रे, चौरीदेउराली गाउँपालिका–८ का अन्दाजी ३५ वर्षीय रुपेश खरेल गम्भीर घाइते भएका थिए । उनलाई उपचारका लागि धुलिखेल अस्पताल पुर्याइए पनि चिकित्सकले मृत घोषणा गरेको पाँचखाल प्रहरी चौकीका प्रहरी निरीक्षक प्रशान्त तामाङले जानकारी दिए । ठक्करपछि केहीबेरका लागि राजमार्ग अवरुद्ध भए पनि अहिले पुनः सञ्चालनमा आएको प्रहरीले जनाएको छ ।
