मेरो प्रदेश डेक्स
मन्थली, भाद्र ३
रामेछापको दोरम्बा शैलुङ गाउँपालिकाले सडकको विषयमा सामाजिक सञ्जालमा गरिएको टिप्पणी प्रति आपत्ति जनाएको छ । गाउँपालिकाले सोमबार प्रेस विज्ञप्ति सार्वजनिक गर्दै वडा नं. २ गाल्पा–दोरम्बा सडक ढलानको विषयमा दावा साङ्बु शेर्पाले फेसबुकमा जनप्रतिनिधि, कर्मचारी र ठेकेदार प्रति गरेको टिप्पण्ी प्रति ध्यानाकर्षण भएको जनाएको हो ।
सडकको जिम्मा प्रदेश पूर्वाधार कार्यालय भएकोले फेसबुकमा गरिएको टिप्पणी भ्रामक रहेको विज्ञप्तिमा उल्लेख गर्दै टिप्पणीकर्ता शेर्पालाई प्रमाण सहित उपस्थित नभए कानूनी प्रक्रियामा जाने बताइएको छ । सो सडक सामान्य अनुगमनको जिम्मा मात्रै पालिकाको रहेको र कार्यान्वयन पूर्वाधार विकास कार्यालय मार्फत भइरहेको विज्ञप्ति मार्फत जानकारी गराइएको छ ।
