काठमाडौं । नेपाली कांग्रेस सुनापति गाउँपालिका वडा नं. १ गुन्सी इकाई समितिले साउन १५ गते काठमाडौंमा भेटघाट तथा खिर खाने कार्यक्रम आयोजना गरेको छ। कार्यक्रम बिहान ७ः३० बजे काठमाडौंको धुम्बाराहीस्थित स्मार्ट क्याफेमा हुने आयोजकले जनाएको छ ।
कार्यक्रममा नेपाली कांग्रेसका पूर्व महामन्त्री तथा केन्द्रीय सदस्य एवं हालका उपप्रधानमन्त्री तथा शहरी विकास मन्त्री प्रकाशमान सिंह प्रमुख अतिथिका रूपमा सहभागी हुने आयोजकले जनाएका छन्।
वडा नम्बर १ गुन्सी इकाई समितिको आयोजनामा हुने कार्यक्रममा कांग्रेस रामेछाप जिल्ला कार्यसमितिका पदाधिकारी, विभिन्न तहका नेताहरू, पार्टीका भ्रातृ संगठन तथा शुभेच्छुक संस्थाका प्रमुख एवं प्रतिनिधिहरूको उपस्थिति रहनेछ।
गाउँदेखि राजधानीसम्मको सम्बन्ध बलियो बनाउने, आपसी संवाद र संगठनभित्रको सञ्जाल सुदृढ गर्ने उद्देश्यले कार्यक्रम आयोजना गरिएको आयोजकहरूले बताएका छन् ।
कार्यक्रममा गुनसी क्षेत्रका कांग्रेस कार्यकर्ताहरूको बाक्लो उपस्थिति रहने अपेक्षा गरिएको छ। स्थानीय प्रतिनिधिहरूले खिर खाने परम्परालाई सामाजिक सद्भाव र राजनीतिक संवादको माध्यमका रूपमा लिँदै यस्तो कार्यक्रम आयोजना गर्दै आएका छन्।
