रामेछाप– नेपाल कम्युनिष्ट पार्टीका संस्थापक महासचिव पुष्पलाल श्रेष्ठको ४७ औँ स्मृति दिवसको अवसरमा रामेछापको भंगेरीमा विविध सांस्कृतिक प्रस्तुति सहित नेकपा एमालेले कार्यक्रम भव्य रूपमा सम्पन्न गरेको छ ।
नेकपा (एमाले) जिल्ला कमिटी रामेछाप र राष्ट्रिय जनसांस्कृतिक महासंघ नेपाल, बागमती प्रदेश समितिको आयोजनामा तथा एमाले रामेछाप नगर कमिटीको व्यवस्थापनमा सम्पन्न कार्यक्रममा नेतादेखि सर्वसाधारण सम्मको उल्लेखनीय सहभागिता रहेको थियो ।
कार्यक्रम एमाले जिल्ला अध्यक्ष पुरुषोत्तम कँडेरियाको अध्यक्षतामा तथा पार्टी स्थायी कमिटी सदस्य र बागमती प्रदेश इञ्चार्ज डा. राजन भट्टराईको प्रमुख आतिथ्यतामा सम्पन्न भएको हो । कार्यक्रममा पार्टी केन्द्रीय सदस्य माधव ढुंगेल, जनसांस्कृतिक महासंघका अध्यक्ष भूमिका सुब्बा, प्रदेश नेताहरू, जनसंगठनका प्रतिनिधिहरू, पत्रकार, कलाकार र स्थानीय जनसमुदायको बाक्लो उपस्थिति थियो ।
स्मृति दिवसका अवसरमा पुष्पलाल श्रेष्ठको जन्मस्थान भंगेरीस्थित सालिकमा माल्यार्पण गरी श्रद्धाञ्जली अर्पण गरिएको थियो। त्यसपछि सभाहलमा औपचारिक समारोह आयोजना गरिएको थियो, जहाँ पुष्पलालको योगदान र कम्युनिष्ट आन्दोलनमा उहाँले खेलेको ऐतिहासिक भूमिका बारे चर्चा गरियो ।
कार्यक्रममा पशुपालन उद्यमी उमेश विक्रम थापा र कृषि फलफुल नर्सरी उद्यमी रामबहादुर साहीलाई नगदसहित सम्मान गरिएको छ ।