रामेछाप । प्रहरी कर्मचारीले युनिफम सहितको फोटो सामाजिक सञ्जाल फेसबुक, ट्वीटर र यूट्युवमा पोष्ट गरे कारवाही गर्ने प्रहरी प्रधान कार्यालयले जनाएको छ ।
प्रहरी प्रधान कार्यालयले आफ्ना माताहतका कार्यालयहरुलाई सर्कुलर जारी गर्दै संगठनको छवीमा नकारात्मक प्रभाव पर्ने भन्दै सामाजिक सञ्जाल प्रयोग नगर्न निर्देशन दिदै सामाजिक सञ्जाल प्रयोग गर्दा यस सम्वन्धी आचारसंहिता पालना गर्न कर्मचारीहरुलाई सचेत गराएको हो । प्रहरी प्रधामन कार्यालयले प्रहरी कर्मचारीहरुले पालना गर्नुपर्ने संहितासम्वन्धी कार्यदेश, २०७७ बिपरीत हुने गरि फेसबुक, ट्वीटर, यूट्युब लगाएतमा संगठनसँग सम्वन्धीत सामाग्री शेयर नगर्न समेत आग्रह गरेको छ ।
प्रहरी प्रधान कार्यालयले प्रहरी संगठनको छबि–क्रियाकलापमा नकारात्मक प्रभाव पर्ने खालका सामाग्रीहरु फेसबुक, ट्वीटर, यूट्युव, टिकटक लगायतमा पोष्टगर्ने, शेयर, ट्याग, कमेन्ट, लिंङ्क शेयरिङ, ट्वीट तथा रि–ट्वीट् नगर्न सबै माताहतका कार्यालयलाई परिपत्र समेत गरेको छ । प्रहरीले सुपरीवेक्षण तहमा रहेका अधिकृतलाई त्यसको अनुगमन तथा निर्देशनको जिम्मा समेत दिएको छ । अब प्रहरीले युनिफम लगाएको फोटो सामाजिक सञ्जालमा हाल्न पाउने छैनन् ।
