रामेछाप । जिल्ला सदरमुकाम मन्थलीमा योमरी पुर्णिमाको अवसरमा रामेछापका नेवार समुदायले बिबिध कार्यक्रम आयोजना गरि मनाएको छ । नेवा दय दबू, नेवाःखल, मिसा दुबु र ल्याम बुचको सयुक्त आयोजनामा बिभिन्न कार्यक्रम सञ्चालन गरेको छ । नेवार समुदायले आफ्नो भाषा, कला, संस्कृतिक संरक्षण तथा विकासका लागी तालीम समेत सञ्चालन गरेको छ ।
उँधौली पर्व एवं योमरी पर्वको अवसरमातीनलाल पार्कमा संस्था सञ्चालन सहित १५ दिने ‘धिमे बाजा’ प्रशिक्षण कार्यक्रमको उद्घाटन समेत भएको छ । उक्त उद्घाटन समारोहमा दोलखा, सिन्धुली, काभ्रे, धादिङ जिल्लाका अध्यक्षहरुको समेत सहभागीता रहेको थियो । उक्त तालिमको अवसरमा १० जना सहयोगीलाई सम्मान समेत गरेको छ । गाइजात्रा सफल बनाउन १० हजार भन्दा बढी सहयोगगर्ने संस्था र व्यक्तीलाई कदर पत्र द्वारा सम्मान गरेको प्रमोद श्रेष्ठले जानकारी दिए । जातीय परम्परा अनुसार बिभिन्न प्रकारका नेवारी खाना सहित योमरी सहितको परिकार बनाएर सबै समुदाय एकै ठाउमा बसी खाएर पर्व मनाएका छन् ।
साथै सोहि अवसरमा नेवाः मिसा दबु जिल्ला कार्यसमिति समेत गठन गरेको छ । सर्वसम्मत सिता श्रेष्ठको अध्यक्षतामा १० सदस्य नेवा मिसा दबू गठन भएको हो । सिता श्रेष्ठको अध्यक्षतामा सबिता श्रेष्ठ,उपाध्यक्ष, शान्ता श्रेष्ठ, सचिब, मनिशा श्रेष्ठ, कोषध्यक्ष र वासना श्रेष्ठ, पुस्पा श्रेष्ठ,सुमिका श्रेष्ठ, सावित्रा श्रेष्ठ, मिना श्रेष्ठ,सिता श्रेष्ठ सदस्यमा चयन गरेको छ ।
