रामेछाप । यौन धन्दामा नाबालिकालाई जबरजस्ती लगाएको आरोपमा प्रहरीले रामेछापका २८ वर्षीय गोरे नेवा खड्गीलाई प्रक्राउ गरेको छ । उनी संगै सिन्धुली जिल्लको कमलामाई नगरपालिकाका ४२ वर्षीय राजु शाही लाई पनी प्रहरीले प्रक्राउ गरेका छन् ।
मानव बेचबिखन नियन्त्रण ब्युरोका अनुसार उनीहरूले काठमाडौं महानगरपालिका– ३२, कोटेश्वरमा खाजा घर एण्ड गेष्ट हाउस सञ्चालन गरेका थिए । सोही गेष्ट हाउसमा उनीहरूले बालिका तथा युवतीलाई जबरजस्ती यौन धन्दामा लगाउँदै आएका थिए । घटना स्थलबाट प्रहरीले पाँच बालिकालाई उद्धार समेत गरेको जनाएको छ ।
प्रहरीका अनुसार उनीहरूलाई आर्थिक अवस्था कमजोर भएका बालिकालाई सरसफाइ तथा भाँडा माझ्ने काम गर्न भनेर गेष्ट हाउसमा ल्याउँने र कोठामा थुन्थे, अनि सम्पर्कमा आएका ग्राहकसँग जबरजस्ती यौन सम्पर्क गर्न लगाउने गरेको जनाएको छ ।
प्रहरीका अनुसार बालिकाहरूलाई प्रतिदिन ६ जनासम्म ग्राहकसँग यौन सम्पर्क गर्न लगाउँने गरेको बताइएको छ । प्रतिग्राहक पाँच सय रुपैयाँ दिने भनिए पनि आर्थिक शोषण समेत गर्दै आएका थिए । गेष्ट हाउस बाहिर लैजाने ग्राहकसँग भने उनीहरूले प्रतिरातको आठ हजार रुपैयाँ असुल्ने गरेको पाइएको छ ।
