रामेछाप । काठमाडौँ महानगर पालिकाका प्रमुख बालेन शाहले यातायात व्यवस्थापनमा गरेको हस्तक्षेप आफूहरूलाई मान्य नहुने पूर्व अरनिको यातायात प्रा.ली का अध्यक्ष केदार क्षेत्रीले बताए ।
जिल्ला सदरमुकाम मन्थलीमा सञ्चालित पूर्व अरनिको होटेल उद्घाटन कार्यक्रममा रामेछाप आइपुगेका अध्यक्ष क्षेत्रीले पत्रकारहरू सँग कुरा गर्दै भने“ काठमाण्डौंका महानगर पालिकाका नगरप्रमुख बालेन शाहले यातायात व्यवस्थापनमा जुन हस्तक्षेपकारी नीति ल्याएको छ, उक्त नीति गलत छ । जुन गंगबु बसपार्कबाट मात्र यातायात छुटाउन पर्छ । सोही स्थान बाट मात्र टिकट बिक्री गर्नु पर्छ । बाहिर जिल्ला बाट महानगरपालिका भित्र प्रवेश गरेका यातायातहरू महानगरपालिका भित्र कुनै पनि स्थानमा रोक्न नपाउने । यात्रु चढाउन या ओराल्न नपाउने । गंगबुबसपार्क मा मात्र यात्रु चढाउन ओराल्न पर्ने यातायात व्यवस्था ल्याएको छ त्यो व्यवस्था हामीलाई मान्य हुने छैन” ।
हामीले आफ्नै लगानीमा यात्रुलाई समस्या नहोस् भनेर जडीबुटीमा जग्गा भाडामा लिएर बस पार्क निर्माण गरेका छौँ सोही स्थानमा हामीले बसपार्क सञ्चालन गर्न पाउन पर्छ । अन्यथा आम यात्रु आन्दोलित हुने छ । कोटेश्वरको बासिन्दा गंगबु बसपार्क बस चढ्न र उत्रन जादैन् । त्यो सम्भव छैन । यात्रुलाई झन् आर्थिक भार पर्छ” ।
काठमाण्डौं महानगरपालिकाका नगरप्रमुखले जडीबुटी पुल क्रस गरेपछि यात्रु गंगबु बसपार्क नपुगी चढाउन या ओराल्न लामो दुरीको सवारी साधनले नपाउने नीति ल्याए सँगै यातायात व्यवस्थापन समिति आन्दोलनमा उत्रने तयारीमा रहेका छन् । आम यात्रुले पनि आफूहरूको आन्दोलनमा साथ दिने पूर्व अरनिको यातायात प्रा.ली का अध्यक्ष केदार क्षेत्रीले बताएका छन् ।
