रामेछाप –नेपाल पत्रकार महासंघ रामेछाले स्थापना गरेको पत्रकार संकट व्यवस्थापन कोषका लागि निर्माण व्यवसायी अरुण खड्काले १० हजार १ सय रकम सहयोग स्वरुप महासंघलाई उपलब्ध गराएको छ ।
विश्वभर नयाँ भेरिएन्ट सहितको कोरोना महामारी फैलिएको बेला आफ्नो ज्यान जोखिममा राखेर सुचना तथा समाचार संकलनको सिलसिलामा फन्टलाइनमा बसेर काम गर्ने पत्रकारहरुमा कोरोना संक्रमणको जोखिम उच्च रहेको छ । यसेै कुरालाई मध्यनजर गरि नेपाल पत्रकार महासंघ रामेछापले जिल्लामा क्रियाशील पत्रकारको सुरक्षा संरक्षणका लागि संकट व्यवस्थापन कोष संचालनमा ल्याएको हो । उक्त कोषमा पत्रकारको सुरक्षामा सहयोग पुर्याउने हेतुले महाराजी कस्ट्रक्सनका संचालक तथा निर्माण ब्यबसायी अरुण खड्काले १० हजार १ सय रुपैया आर्थिक सहयोग गरेका हुन ।
लिखु तामाकोसी गाउँपालिका वडा नम्बर ५ धोबि घर भएका खड्का निर्माण व्यवसायमा आवद्व छन् । खड्काले भने यस्तो महामारीको समयमा सञ्चार क्षेत्रमा रहेर आफ्नो ज्यान जोखिममा राखेर नागरिकको हितमा काम गर्ने सञ्चारकर्मीको संरक्षण गर्नु आम नागरिकको जिम्मेवारी रहेको बताए ।