रामेछाप । रामेछाप नगरपालिकाको रामपुरमा उत्पादन भएको राजमा बिश्वबजारमा पुर्याउने लक्ष्य सहकारीले लिएको छ । सगरमाथा कृषि तथा पशुपालन सहकारी संस्था रामपुरले सियास र आर्या नामक संस्थासँग सहकार्य गरि राजमा ब्रान्डिङ, लेभलिङ र प्याकेजिङ सहितको काम सकेर बजारमा ल्याएको छ । सहकारीले एक कार्यक्रमको आयोजना गरि राजमा ब्रान्डिङ, लेभलिङ र प्याकेजिङ सहित बजार पठाउने काम शुरु भएको जानकारी दिए ।
सहकारीले आयोजना गरेको कार्यक्रममा बोल्दै रामेछाप नगरपालिकाका प्र्रमुख लबश्री न्यौपानेले रामपुरमा उत्पादित राजमा ब्रान्डिङ,लेभलिङ र प्याकेजिङ सहित बजारमा पुग्दा निकै खुशी लागेको बताए । नगरप्रमुख न्यौपानेले भने “नगरपालिकामा रहेको ९ वटा वडामा नगरपालिकाले पकेट क्षेत्र घोषणा गरिसकेको छ । पकेट क्षेत्र घोषणा गरेर सोहि अनुसार काम गर्दै आएको छ । हरेक वडामा छुट्टा छुट्टाई खालका कृषि जन्य बस्तु उत्पादन हुन्छ । सबै वडामा उत्पादन भएका वस्तुको वडा नम्बर ५ ले जस्तै ब्रान्डिङ,लेभलिङ र प्याकेजिङ सहित बजारमा पठाउन सके नगरपालिका सम्वृद्ध हुने बताए । नगरको उत्पादनलाई ब्रान्डिङ, लेभलिङ र प्याकेजिङ गरी बजार पठाउन नगरपालिका तयार रहेको छ । उत्पादन र बजारीकरणमा सहयोग गर्न नगरपालिका तयार छ । योजना बनाएर पालिका आउनुस हामि आवश्यक सहयोग र सहकार्य गर्न तयार छौं । नगर प्रमुख न्यौंपानेले भने” ।
रामपुरका महिलाहरुले उत्पादन गर्दै आएको गेडागुडी जातका तरकारी बालीहरुले अब राम्रो बजार पाउनेमा आफु बिश्वस्त रहेको रामेछाप नगरपालिका वडा नम्बर ५ का वडा अध्यक्ष हरिशचन्द्र श्रेष्ठले बताए । अध्यक्ष श्रेष्ठले भने रामपुरदेखी रामेछापको बिहिबारे हाटमा यस भन्दा अघि बिक्रि गर्न बोकेर ल्याउनु पर्ने समस्या थियो । अब त्यो समस्या हटेको छ । यस भन्दा पहिला किसानबाट बिचौलीयाहरुले सस्तोमा गेडागुडी खरिद गरेर महंगोमा बिक्रि गर्दै आएका थिए । अब यो समस्या पनि अन्त्य हुने भयो वडाअध्यक्ष श्रेष्ठले भने ।
सहकारीका अध्यक्ष एवं सोहि वडाका निर्वतमान वडा अध्यक्ष भिम बहादुर तामाङले भने “हाम्रो सहकारीमा १ सय ६० जना सदस्य छन् । सदस्य मध्य १ सय १६ जना महिला सदस्य छन् । उहाँहरुले बार्षिक ५० देखि ६० टन राजमा रामपुरमा उत्पादन गर्दै आउनु भएको छ । यो बर्ष हामीले परिक्षणको लागी १४ टन राजमा बजार पठाउने तयारी गरेका छौ । बजारको अवस्था हेरेर बजार पठाउने छौं ।
हामिलाई सियास र आर्या नामक संस्थाले बजारिकरणको लागी सहयोग गरेको छ हामी सफल हुनेमा बिश्वस्त छौं सहकारीका अध्यक्ष तामाङले भने । उनले सहकारीले खाद्य तथा गुणस्तर बिभागमा परिक्षण गर्दा उत्कृष्ट राजमा रहेको पुष्टि भए संगै बजारमा लैजान ब्रान्डिङ, लेभलिङ र प्याकेजिङ गरि बजारमा पठाउने तयारी गरेको हो । हाम्रो राजमा देश भरीको राजमामा उत्कृट छ । रामेछापमा उत्पादन भएको राजमा उत्कृष्ट राजमा भित्र प्रर्दछ । रामेछापको रामपुरमा प्रत्यक बर्ष ५० देखी ६० टन राजमा उत्पादन हुने गरेको छ । सहकारीका अध्यक्ष तामाङले भने ।
चार घरे ब्राण्ड मार्फत बजारमा पुग्ने राजमा १ केजी र ५ सय ग्रामको प्योकटमा प्याक भएर नेपालका विभिन्न बजारहरुमा पुग्ने छ । आफुहरुको उत्पादन देशका विभिन्न ठाउँमा पुग्ने भएपछि उचित मुल्य पाईनेमा आफुहरु बिश्वस्त रहेको सहकारीका सदस्यहरुले बताएका छन् ।
