रामेछाप ः रामेछाप मात्र हैन नेपाल र नेपालीहरूका लागि निकै दुःखद दिनका रुपमा रहेको २०७२ सालमा गएको भूकम्पको आज ६ बर्ष पुरा भएको छ । विसं २०७२ वैशाख १२ गतेको आजकै दिन गएको विनाशकारी गोरखा भूकम्पको ६ वर्ष पूरा भएको हो ।
मध्याह्न ११ बजेर ५६ मिनेट जादा गोरखाको बारपाक केन्द्रबिन्दु भएर गएको ७ दशमलव ६ रेक्टर स्केलको भूकम्पका कारण रामेछापमा पनी निजी तथा सरकारी गरी हजारौ आवास भत्केका थिए ।
२०७२ साल वैशाख १२, १३ र २९ गते गएको भूकम्पबाट रामेछाप जिल्लामा ५० हजार १ सय १६ निजि आवासमा क्षति पुगेको थियो । जस मध्य ४८ हजार ८ सय ९ जनाले आवास निर्माणकोलागी सम्झौता गरेका थिए भने १ हजार ३ सय ७ जनाले निजी आवास निर्माणका लागी सम्झौतानै गरेका थिएन । सम्झौता गरेका मध्य ९६ प्रतिशतले प्रथम किस्ता बुझिसकेका छन भने ९४.७७ प्रतिसतले दोस्रो किस्ता बुझेका छन् भने ८८ प्रतिसतले निर्माण सम्पन्न गरी तेस्रो किस्ता बुझेका छन ।
त्यसतै गरी जिल्लामा रहेका १६ वटा सरकारी तथा सार्वजनीक भवन मध्य ६ वटा कार्यालयका ९ वटा भवनहरु निर्माण सम्पन्न भइसकेको छ भने १० वटा भवनहरुको मर्मत कार्य सम्पन्न भइसकेको छ । भुकम्पबाट जिल्लामा रहेका सरकारी तथा सामुदायिक बिद्यालय मध्य ३ सय ८९ वटा बिद्यालमा क्षेति पुगेको थियो जस मध्य ३ सय ४१ वटा बिद्यालयको निर्माण कार्य सम्पन्न भइसकेको छ भने ४८ वटा बिद्यालयहरु निर्माणाधिन अवस्थामा रहेका छन् ।
रामेछापमा रहेका ३४ वटा स्वास्थ्य चौकी मध्य २ वटा स्वास्थ्य चौकीको निर्माण कार्य सम्पन्न भइसकेको छ भने ३ वटा स्वास्थ्य चौकीको निर्माण कार्य जारी रहेको छ भने अन्य १९ वटा स्वास्थ्य चौकीको बोलपत्र भएर प्रबबिधीक मुल्याङकन भइरहेको पुनः निर्माण प्रधिकरणले जनाएको छ ।
भुकम्प बाट रामेछापमा क्षति पुगेको ८१ वटा गुम्बा मध्य पुर्ण निर्माण गर्नुपर्ने ४६ वटा र मर्मत गर्नुपर्ने ३५ वटा गुम्बा रहेको थियो । मर्मत गर्नुपर्ने ३५ वटा गुम्बा मध्य २९ वटा गुम्वा मर्मतको काम सम्पन्न भएको छ भने ४६ वटा गुम्बा मध्य ३ वटा गुम्बा निर्माणको कार्य जारी रहेको छ ।