रामेछाप । मन्थली नगरपालिका–१ को वडा कार्यालयले आर्थिक अभावकै कारण स्वास्थ्य जीवन बिमा गर्न नसकेका ५७ जना नागरिकको निःशुल्क स्वास्थ्य विमा गरिदिएको छ ।
सरकारले हरेक नागरिकलाई स्वास्थ्य विमाको पहुँचमा पुुर्याउने भनेता पनि आर्थिक अभाव कमजोर भएका नागरिकले स्वास्थ्य विमा गर्दा लाग्ने शुल्क तिर्न नसकेर त्यतिकै बस्दै आएका छन् । वडामा अधिकासं नागरिकले आफैले रकम तिरेर स्वास्थ्य विमा गराएता पनि आर्थिक अभाव कमजोर भएका ५७ जनाको वडा कार्यालयले नै सवै शुल्क तिरेर स्वास्थ्य विमा गरिदिएको मन्थली नगरपालिका वडा नं १ का वडा अध्यक्ष होमप्रसाद पौडेलले जानकारी दिए ।
उनले भने– वडा भित्र रहेका सबै नागरिकहरु स्वास्थ्य विमाको पहुँचमा पुगुन भन्ने उद्धेश्यले वडा कार्यालयमा भएको बजेटवाट बिमा गर्न नसकेका नागरिकहरुको पहिचान गरि स्वास्थ्य बिमा गरिदिएका हौं । आगामी वर्ष पनि यो कार्यक्रमलाई निरन्तरता दिएर स्वास्थ्य विमा गर्न छुटेका र आर्थिक अभावका कारण बिमा गर्न नसकेका सबै नागरिकहरुको खोजी गरि उनीहरुको वडा कार्यालयले खर्च व्यहोरेर बिमा गरिदिने पनि अध्यक्ष पौडेलले बताए ।
आर्थिक अभावमा स्वास्थ्य विमा गर्न नसकेको अवस्थामा वडा कार्यालयले नै पैसा तिरिदिएर आफ्नो परिवारको स्वास्थ्य विमा गरिदिएकोमा धेरै नै खुशी लागेको मन्थली नगरपालिका–१ का काले कामीले बताए । उनले भने–हाम्रो परिवार जस्तै अरु पनि पैसा अभावमा स्वास्थ्य विमाको पहुँचमा पुुग्न नसकेका पनि हुनसक्छन् । वडा कार्यालयले निम्न वर्गका परिवारको स्वास्थ्य विमा गरेको छ की छैन् अनुगमन गरेर विमा गरिदिए निम्न आय भएका व्यक्तिहरुलाइ धेरै राहात मिल्ने कामी बताउँछन् ।
