रामेछाप । मन्थली नगरपालिकाका नगर प्रमुख रमेश कुमार बस्नेतले आफ्नो बार्षिक आम्दानीको १० प्रतिशत रकम समता स्कुललाई सहयोग गर्ने बताएका छन् । शुक्रबार समता एजुकेशन ट्रस्ट द्धारा रामेछापको मन्थलीमा सञ्चालित समता स्कुलको शिलान्यास कार्यक्रममा बोल्दै नगर प्रमुख बस्नेतले आफ्नो बार्षिक आम्दानीको १० प्रतिशत रकम हरेक बर्ष ब्यक्तिगत रुपमा समताको कोषमा जम्मा गर्ने प्रतिबद्धता ब्यक्त गरेका छन् ।
समता स्कुललाई प्रमुख बस्नेतले चैत्र मसान्त सम्ममा दुई पक्षिय सम्झौता गरी भवन निर्माणका लागि नगरपालिकाबाट १५ लाख उपलब्ध गराउने समेत घोषणा गरेका छन् । नगर प्रमुख बस्नेतले मन्थली नगरपालिकालाई शैक्षिक हब बनाउने आफ्नो योजना भएकोले बिद्यमान महंगो शिक्षा प्रणालीलाई न्यूनिकरण गर्दै सरल र गुणस्तरीय शिक्षामा आफुले पनि जोड दिइरहेको बताएका छन्
। त्यस्तै गरी सिलान्यास कार्यक्रममा बोल्दै समता एजुकेशन ट्रस्टका निर्देशक दिपक सञ्जेलले क्रिश्चियन धर्मको प्रचार गर्ने समता स्कुल भन्ने घेरैको बुझाइ गतल भएको दावी गरे । उनले यो धर्म प्रचारक नभइ गरिवका छोराछोरीले सस्तोमा गुणस्तरीय शिक्षा पाउन पर्छ भन्ने पबित्र उद्देश्य राखि राष्ट्रिय तथा अन्तराष्ट्रिय स्तरमा यस्ता बिद्यालयहरु खुलेको बताएका छन् । उनले समता एजुकेशन ट्रस्ट द्धारा सञ्चालित बिद्यालय हरुका लागि बार्षिक रुपमा १५ करोड आबश्यक हुने र बिद्यार्थीहरु बाट प्राप्त रु १०० का दरले रु ७ करोड संकलन हुने र बाँकी ८ करोड राष्ट्रिय स्तरका ब्यक्ति तथा संघ संस्थाहरुले दिएको सहयोग तथा दान बाट चल्ने गरेको बताएका छन् ।
समता स्कुलकी पिन्सिपल मनिषा बुढाथोकीको अध्यक्षतामा सम्पन्न भवनको शिलान्यास मन्थली नगरपालिकाका नगर प्रमुख रमेश कुमार बस्नेतले गरेका हुन ।
स्थानीय चन्द्र बहादुर माझीले जिल्ला आयुर्वेद कार्यालय नजिकै रहेको साढे ६ रोपनी जग्गा २० बर्षका लागि भाडामा दिएपछि उक्त जग्गामा ६ महिना भित्र १३ कोठे भवन निर्माण हुन लागेको हो । कार्यक्रमका अबसरमा बोल्दै स्थानीय समाजसेवी तेज प्रसाद सुबेदीले भवन निर्माणका लागि रु १ लाख दिने घोषणा गर्नु भएको छ भने शिक्षक, शिक्षिका र अभिभावकहरुले पनि आफुले सकेको सहयोग गर्ने प्रतिबद्धता ब्यक्त गरेका छन् ।
