रामेछाप । बागमती पदेश स्तरीय पुरुष भलिवल प्रतियोगीता रामेछापको मन्थलीमा हुने भएको छ । नेपाल खेलकुद महासंघ वाग्मती प्रदेश कमिटीले वाग्मती प्रदेश स्तरीय पुरुष भलिबल प्रतियोगिता मन्थलीमा सञ्चालन गर्ने भएको हो । महासंघले सोमबार काठमाडौँमा पत्रकार सम्मेलन आयोजना गरी प्रतियोगिता माघ ४ देखि ७ गतेसम्म सञ्चालन हुने जनाएको छ ।
प्रतियोगितामा वाग्मती प्रदेशका १३ वटै जिल्लाका भलिबल टिमले भाग लिने महासंघका वाग्मती प्रदेश अध्यक्ष सिताराम कार्कीले जानकारी दिए । प्रतियोगिताको उद्घाटन नेकपा एमाले सचिव गोकर्ण विष्टले गर्ने बताए । प्रतियोगिताको विजेता टोलीले २ लाख नगदसहित, सिल्ड, मेडल र प्रमाणपत्र पाउने छन् । त्यस्तै द्वितीय, तृतीय र चौथो हुनेले क्रमशः १ लाख, ५० हजार र ३० हजार नगद, सिल्ड, मेडल र प्रमाणपत्र पाउने छन् ।
