दोलखा । देशभरिका सम्पुर्ण शैक्षिक संघ संस्था बन्द गर्ने सरकारको निर्णय विरुद्ध दोलखामा सञ्चालन भइरहेको परिक्षा तत्काल स्थगित गर्न अनेरास्ववियु दोलखाले माग गरेको छ । अखिल नेपाल राष्ट्रिय स्वतन्त्र विद्यार्थी युनियन दोलखाले हिजो परिक्षा तत्काल स्थगित गर्न माग गर्दै दोलखाका प्रमुख जिल्ला अधिकारी वासुदेव घिमीरेलाई प्रेस विज्ञप्ती बुझाइएको छ ।
बिज्ञप्तीमा भनिएको छ सरकारले बैशाख १३ गते देशभरिका शैक्षिक संस्थाहरु बन्द गर्ने गरेको निर्णयको विरुद्ध दोलखाको कालिन्चोक, गौरिशंकर, वैत्यश्वर, विगु र मेलुङ गाउँपालिकामा वार्षिक परिक्षा सञ्चालन भइरहेको भन्दै तत्काल स्थगित गरियोस ।
विद्यार्थीको जिवनमाथि परिक्षाको नाममा खेलबाडगर्ने अधिकार कसैलाई नभएको भन्दै गैरजिम्मेवार पुर्ण गति विधिहरु तत्काल बन्द गर्न जिल्ला प्रशासन कार्यालय मार्फत सम्बन्धित पालिकाहरुमा अनुरोध गर्दछाँै ।
साथै सम्बन्धित पालिका र विद्यालयलहरुले यस्ता गतिविधिहरु तत्काल नरोके अनेरास्ववियु दोलखा आन्दोलित हुने र यसबाट हुने क्षतिको सम्पुर्ण जिम्मेवारी सम्बन्धित पालिका र विद्यालयहरुले लिनुपर्ने विज्ञप्तीमा उल्लेख गरिएको छ ।
स्वास्थ्य मापदण्डको पुर्ण पालना गर्न समेत अनेरास्ववियु दोलखाले अपिल गरेको छ । प्रस विज्ञप्तीमा अनेरास्ववियु दोलखाका संयोजक राजकुमार ढुंगेल र सचिव जिपछिरीङ शेर्पाले हस्ताक्षर गरेको छ ।
