रामेछाप । ट्रकको ठक्करबाट मटरसाइकल चालकको मृत्यु भएको छ । दोलखा जिल्लाको तामाकोशी गाउँपालिका वडा नं. १ सिस्नेरीमा भएको दुर्घटनामा दोलखाको तामाकोशी गाउँपालिका वडा नम्बर १ भिरकोट बस्ने २२ वर्षीय शुसिल माझीको घटना स्थलमै मृत्यु भएको प्रहरीले जनाएको छ ।
बा ०१००३प ९३५९ नम्बरको ट्रक र बा २९ प ११६२ नम्बरको मोटरसाइकल एक आपसमा ठक्कर खाई शनिबार बिहान दुर्घटना हुँदा मोटरसाइकल चालक तामाकोशी गाउँपालिका(१ भिरकोट बस्ने २२ वर्षीय शुसिल माझीको घटनास्थलमै मृत्यु भएको हो ।
साथै दुर्घटनामा घाइते भएका मोटरसाइकलमा सवार १ जना लाई चरिकोट अस्पताल हुँदै थप उपचारको लागि अन्नपूर्ण न्यूरो अस्पताल काठमाडौं पठाइएको छ । ट्रक चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
