काठमाडौं । अष्ट्रेलियाको नर्दन टेरिटोरीमा जारी टप एण्ड टी–२० शृङ्खलाअन्तर्गत नेपाल र पाकिस्तानबीच आज समूह चरणको अन्तिम खेल हुँदैछ ।
नेपाली समयअनुसार अपराह्न ३:१५ बजे सुरु हुने यो खेल नेपालका लागि सेमिफाइनल प्रवेशको दृष्टिले महत्वपूर्ण रहेको छ । शृङ्खलामा सहभागी ११ टोलीमध्ये नेपाल हाल अंक तालिकाको सातौँ स्थानमा छ र अन्तिम चारमा पुग्नका लागि आजको खेल जित्नैपर्ने दबाबमा छ ।
यसअघि भएका खेलमा नेपालले मिश्रित प्रदर्शन गरे पनि अन्तिम चरणसम्म सेमिफाइनलको सम्भावना जिउँदो राखेको छ । पाकिस्तानविरुद्धको खेललाई टिमले अवसरका रूपमा लिएको छ । क्रिकेट प्रेमीहरूको ध्यान अहिले यस खेलतर्फ केन्द्रीत भएको छ, किनकि परिणामले नेपालको शृङ्खलामा भविष्य निर्धारण गर्नेछ
