रामेछाप । दीपशिखा व्वाईज युनाइटेड क्लबले तेस्रो रामेछाप कप २०८१ फुटबल प्रतियोगिता आयोजना गरेको छ । आश्विन १९ गते देखी २३ गते सम्म हुने फुटबल प्रतियोगितामा क्लब तथा सङ्घ संस्थाहरूलाई टिम दर्ता गर्न आयोजकले आग्रह गरेको छ । मन्थली नगरपालिकाको प्रायोजनमा हुने खेलमा जिल्ला भित्र तथा बाहिरका आधिकारिक क्लबहरूलाई आश्विन १५ गते कार्यालय समय भित्र टिम दर्ता गर्न आग्रह गरेको छ । मन्थली नगरपालिका वडा नम्बर २ करम्बोटमा सञ्चालन हुने खेलमा प्रथम पुरस्कार नगद ३ लाख फिल्ड मेडल र प्रमाण पत्र द्वितीय पुरस्कार २ लाख नगद सहित फिल्ड मेडल र प्रमाणपत्र र सेमिफाइनलमा प्रवेश गर्ने तर फाइनल प्रवेश नगर्ने टिमलाई ५०÷५० हजार पुरस्कार द्वारा पुरस्कृत गर्ने अध्यक्ष आषिश कार्कीले जानकारी दिए ।
कार्कीले भने हामीले प्रत्येक वर्ष प्रतियोगिता आयोजना गर्ने गरेका छौँ सोही अनुसार यस वर्ष पनि खेल आयोजना गरेका छौँ । सबै क्लब तथा सङ्घ संस्थालाई टिम दर्ता गर्न आग्रह गर्दछौँ ।
