रामेछाप । जिल्ला सदरमुकाम मन्थलीमा रहेको तीनलाल पार्क तेस्रो पटक सूचना जारी गर्दा समेत ठेक्का लाग्न सकेको छैन । मन्थली नगरपालिकाले तेस्रो पटक सूचना प्रकाशन गर्दा समेत ठेक्का लाग्न नसकेपछि भाद्र २६ गते मङ्गलवार पुनः तेस्रो पटक सूचना जारी गरेको छ ।
पहिलो पटक मन्थली नगरपालिकाले मिति २०८० साल साउन १५ गते १५ दिने सूचना प्रकाशन गरेको थियो । उक्त समय २० लाखमा ठेक्का लगाउने सूचना जारी गरीपने कुनै पनि फर्म बाट ठेक्का नपरे पछि २०८० साल भाद्र १३ गते १५ लाख ९३ हजारमा ठेक्का लाग्ने गरी सूचना जारी गरेको थियो । दोस्रो पटक जारी गरेको सूचनामा समेत कुनै फमले ठेक्का नलागे पछि पुनः २०८० साल असोज २६ गते तेस्रो पटक १३ लाख ३० हजारमा सूचना प्रकाशन गरेको छ ।
कुल १७ रोपनी क्षेत्रफलमा फैलिएको पार्क बागमती प्रदेश सरकार र मन्थली नगरपालिकाको ६ करोड ८६ लाख २१ हजार ६ सय ८७ रुपैयाँ १३ पैसामा निर्माण भएको हो । नगरपालिकाको वडा नं १ हाटेचौरमा बनेको अत्याधुनिक सुविधा सम्पन्न, स्विमिङ पुल, प्रशासनिक भवन, ४०८ जना क्षमताको सभा भवन, स्विमिङ पुल, ७५ देखि १०० जना क्षमताको चेन्जिङ्ग रुम, स्नान कक्ष, चमेना गृह, टिकट घर तथा शौचालय र प्रवेशद्वार समेत रहेको छ ।
