रामेछाप, नेपाल टेलिकम रामेछापको सेवा प्रवाह ठप्प भए पश्चात नेपाल पत्रकार महासंघ रामेछापले नेपाल टेलिकमलाई चुनौती दिएको छ ।
नेपाल पत्रकार महासंघ रामेछापको अगुवाईमा नागरिक समाज तथा सेवाग्राहि सहितको टोलीले सोमबार ज्ञापनपत्र बुझाउदै नेपाल टेलिकमलाई चुनौती दिएको हो । टोलिले रामेछाप टेलिकमका साथै जिल्ला प्रशासन कार्यालय रामेछाप मार्फत टेलिकमको केन्द्रीय कार्यालय काठमाण्डौलाई समेत ज्ञापनपत्र बुझाएको हो ।
नेपाल टेलिकमकको कार्यालय मन्थली बाट प्रवाह हुँदै आइरहेको टेलिफोन सेवा र एडिएसएल नेट सेवाको मुख्य ट्रान्समिसन लिङ्गमा पटक(पटक आउने गरेको समस्याका कारण सञ्चारकर्मी लगाएत अन्य अनलाइन ब्यवसायि र सेवाग्राही समेत यसको प्रत्यक्ष मार परेका छन् । माघ महिनाको सुरुवाती सँगै टेलिफोन र नेट मा आएको समस्या अझै समाधान हुन नसकेको भन्दै विभिन्न मागहरु सहित टेलिकम रामेछापमा निमित्त कार्यालय प्रमुख सरोज मुखिया र टेलिकम केन्द्रीय कार्यालयका लागि प्रमुख जिल्ला अधिकारी अर्जुनकुमार शर्मालाई पत्रकार महासंघका अध्यक्ष रमेश ढुङ्गेलले ज्ञापन पत्र बुझाएको हो ।
ज्ञापनपत्रमा टेलिफोन र एडिएसएलमा भएको समस्या समाधान आजका मितिले बढिमा ३ दिन भित्र अनिवार्य रुपमा हुनुपर्ने, प्राय अधिकास ग्राहकहरूले मासिक रुपमा एडिएसएलको भुक्तानी गर्ने गरेको तर महिना दिन पुगेपछि नेट चलेपनि नचलेपनि पैसा सकिएर सेवा बन्द हुने गरेको वर्तमान सन्दर्भमा नचलेको दिनको गणना गरी सवै सेवाग्राहिहरूलाई क्षतिपूर्ति वापद सेवा अवधि थप गरिनुपर्ने , जिल्ला र पालिका स्तरमा भैरहेको बढदो शहरीकरण सँगै नेपाल टेलिकमले दिनुपर्ने सेवा माग अनुसार दिनु पर्ने र त्यसका लागि क्षमता बृद्धि लगाएतका अन्य कामहरु तत्काल देखि सुरू गरिनुपर्ने, नेट सेवाको क्षमता बृद्धिकालागि फाइवर टु द होम (ँत्त्ज्) का लागि योजना भैसकेको तर नेटवर्क को काम अझै सम्म पनि सुरूवात हुन नसकेकोले आजका मितिले ७ दिन भित्र वाट सो को कार्य प्रारम्भ गरिनुपर्ने, हाल भैरहेको (परम्परागत प्रविधिको) ड्रव वाएर मार्फत एउटै घरमा लाइन लैनान ४ देखि ५ सय मिटर सम्म ब्यक्तिगत रुपमा खर्च गरी तार टाग्नुपर्ने वर्तमान अबस्थालाई बिस्थापित गरी आधुनिक तरिकाको तत्काल फाइवर मार्फत सेवा विस्तार गरिनुपर्ने मागहरु रहेका छन् ।
त्यसैगरी सिन्धुली( खुर्कोट हुँदै र मुडे चरिकोट हुँदै रामेछाप मन्थली आएको अप्टिकल फाइवर लाई एकिकृत गरी रिङ बनाएर चुस्त दुरुस्त सेवा दिइनु पर्ने। लोकसेवा आयोगका लागि अनलाइन फाराम भर्न सिङ्गल दस्तुर बैकमा जम्मा गरिसकेका सयौंको संख्यामा रहेका आवेदकहरुको फाराम समयमा अपलोड नहुदा दोव्वर दस्तुर तिर्नु पर्ने वाध्यात्मक अवस्था आएकोले सो समस्या समाधानका लागि पहल गरिनुपर्ने लगायतका मागहरू ज्ञापनपत्रमा उल्लेख गरिएको छ ।
ज्ञापनपत्रमा राखेका मागहरू पुरा नभएमा महासंघको नेतृत्वमा सम्पुर्ण नागरिक समाजका अगुवाहरू,ब्यवसायी बुद्धिजिवी सहित नेपाल टेलिकमको बिरुद्धमा आन्दोलनमा उत्रने चेतावनी दिईएकोछ ।
