रामेछाप । जिल्ला अस्पतालमा रामेछापले अस्पतालको सेवा सुविधाको बारेमा जानकारी गराएको छ । बुधवार पत्रकार सम्मेलन गरी जिल्ला अस्पताल रामेछापले अस्पताल बाट दिँदै आएको सेवा सुविधा बारे जानकारी गराएको छ । जिल्ला अस्पताल रामेछापले काठमाण्डौंको मंहगो अस्पतालमा नभएका यन्त्र उपकरणहरू जिल्ला अस्पतालमा रहेको र सो अनुसार दक्ष जनशक्ति समेत रहेको बताएका छन् ।
जिल्ला अस्पताल रामेछापका प्रमुख डा.केशव श्रेष्ठले “जिल्ला अस्पतालमा दक्ष डाक्टर हुनुहुन्छ । डाक्टरको समस्या छैन । आवश्यक यन्त्र उपकरणहरू प्रशस्त मात्रामा छन् । सबै प्रकारका ल्याब छन् । कुनै समस्या छैन । तर बिरामीको खोजीमा छौँ । अस्पतालमा ३५ वटा बेडहरू छन् । खाली छ । एक पटक बिरामी जिल्ला अस्पताल आए पछि अन्य अस्पताल जाँदैनन् । यो अस्पतालको सोचे अनुसार प्रचार हुन सकेन । यातायातको सुविधा भएन । यस क्षेत्रमा सबैले ध्यान दिन परयो । यो अस्पताल रामेछाप नगरपालिकाको मात्र नभई समग्र जिल्लाको अस्पताल हो” । जिल्ला अस्पतालमा भेन्टिलेटर सहित आइसियु बेडहरू समेत रहेका छन् ।
