रामेछाप । सुनकोसी–मरिन डाइभर्सन बहुउद्देश्यीय आयोजनाले प्रभावित क्षत्रको स्थानियको मागलाई बेवास्ता गरेको भन्दै आक्रोश ब्यक्त गरेका छन् । रामेछापको सदरमुकाम मन्थलीमा बुधवार आयोजना गरेको प्रस्तुतीकरण तथा अन्तरक्रिया कार्यक्रम सहभागीहरूले प्रभावित समुदायको मागलाई लत्त्याउने काम गरेको भन्दै आक्रोश ब्यक्त गरेका छन् । सहभागीहरुले आफुहरु विकासको पक्षमा रहेको भन्दै बिकास गर्दा प्रभाबित नागरिक माथी अत्याचार गर्न नहुने भन्दै आक्रोश ब्यक्त गरेका हुन् ।
सुनकोसी–मरिन डाइभर्सन परियोजना प्रभावित संवाद समितिका संयोजक वृहस्पति माझीले आयोजनाले प्रभावित क्षत्रमा आतंक मचाएको भन्दै त्यसको बिरुद्धमा आफुहरु लागिरहेको बताए । रामेछापका विभिन्न स्थानका आयोजना प्रभावितहरूले एकीकृत रूपमा आयोजनालाई १३ बुँदे माग गरिए पनि ती मागहरू कार्यान्वयनमा आयोजना बेखबर बनेको बताए । आयोजनाले यो गर्छु त्यो गर्छ भनेर प्रभावितहरूमा त्रास मात्रै पैदा गरिरहेको छ, हाम्रो माग बारे सबै बेखबर बनिरहेका माझिंले भने ।
रामेछाप जिल्लाको खाँडादेवी गाउँपालिका वडा नं ४ का वडा अध्यक्ष कृष्णप्रसाद पौडेलले आयोजनाले प्रभावितहरूको उचित व्यवस्थापन गर्न नसकेको भन्दै तत्काल उचित बयवस्थापन गर्न समेत आग्रह गरे वडा अध्यक्ष पौडेलले रामेछाप जिल्लाको सबै भन्दा बढी आफ्नो वडाका नागरिक आयोजनाबाट प्रभावित छन्, प्रभावितहरूको उचित व्यवस्थापनका लागि आयोजनाले उनीहरूको मागको कार्यान्वयन तत्काल गर्नुपछ ।
पत्रकार महासंघ रामेछापका अध्यक्ष बद्री नयाँघरेले आयोजनाका कारण रामेछापका प्रभावितहरू क्षेत्रका माझी समुदायहरु पटक, पटक आन्दोलनमा उत्रन बाध्य रहेकाले उनीहरू आन्दोलित हुनुपर्ने कारणको खोजी गरी उनीहरूको माग पूरा गर्नुपर्ने बताए । सुनकोसी–मरिन डाइभर्सन बहुउद्देश्यीय आयोजनाका निर्देशक मित्र बरालले आयोजना प्रभावित क्षेत्रका नागरिकहरूको माग क्रमशः आयोजनाले सम्बोधन गरिरहेको बताएका छन् । ‘आयोजना प्रभावित क्षेत्रभित्र झन्डै ९५ प्रतिशत जग्गाको मुआब्जा वितरणको काम झन्डै ९५ प्रतिशत भइसकेको छ, अन्य कुराहरूको पनि आयोजनाले काम अगाडी बढाइरहेको छ’, उनले भने ।
सिन्धुली र रामेछाप जिल्ला गरी २६ परिवारको १ सय १६ जना मानिस आयोजनाबाट विस्थापित हुने जनाएको छ । आयोजनाको पावर हाउस निर्माण गर्दा सिन्धुलीमा २० परिवारको ८५ जना मानिस र ४२ वटा घर गोठ र रामेछापमा ६ परिवारका ३१ जना मानिस र १० घर गोठ विस्थापित हुने उनको भनाइ छ । उनका अनुसार सुनकोसी–मरिन डाइभर्सन परियोजनाले गत असोज महिनाबाट अटोमेटिक टनेल बोरिङ मेसिन (टीबीएम) बाट सुरुङ खन्ने काम गरिरहेको छ । आठ महिनाको अवधिमा ४ हजार मिटर सुरुङ खन्ने काम सम्पन्न भएको आयोजना निर्देशक बरालले बताए । सिन्धुलीको सुनकोसी गाउँपालिका ७ बाट र रामेछाप जिल्लाको सिमाना भएर बग्ने सुनकोसी नदीमा डाइभर्सनको संरचना निर्माण गरी सुनकोसी नदीका करिब ६७ क्युमेक पानीलाई सुरुङमार्फत कमलामाई नगरपालिका– २ कुसुमटारस्थित मरिन खोलामा पानी खसाल्ने योजना रहेको उनको भनाई छ । मरिनको पानी बागमतीमा पुग्ने छ र बागमती सिँचाइ आयोजनामार्फत थप एक लाख २२ हजार हेक्टर क्षेत्रफलमा सिँचाइ सुविधा पु¥याउने योजना रहेको छ ।
